ପାତ୍ରପୁର: ଗଞ୍ଜାମ ଜିଲ୍ଲା ଚିକିଟୀ ନିର୍ବାଚନ ମଣ୍ଡଳୀ ପାତ୍ରପୁର ବ୍ଲକ ଦାମୋଦରପଲ୍ଲୀ ଗ୍ରାମରେ ବିଜେପି ପକ୍ଷରୁ ମୋ ମାଟି ମୋ ଦେଶ କାର୍ଯ୍ୟକ୍ରମ ଗୁରୁବାର ଅନୁଷ୍ଠିତ ହୋଇଯାଇଛି। କେନ୍ଦ୍ର ରେଳ ଓ ବୟନଶିଳ୍ପ ରାଷ୍ଟ୍ରମନ୍ତ୍ରୀ ଦର୍ଶନା ଯର୍ଦୋଶ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ରାଜ୍ୟ କାର୍ଯ୍ୟକାରିଣୀ ସଦସ୍ୟ ମନୋରଞ୍ଜନ ଦ୍ୟାନ ସାମନ୍ତରାଙ୍କ ନେତୃତ୍ୱରେ ସରୋଜ ସାବତ, ଭୃଗୁବକ୍ସି ପାତ୍ର, ଶିବଶଙ୍କର ଦାସ, ଉତ୍ତମ ପାଣିଗ୍ରାହୀ, ମୀନା ଦ୍ୟାନ ସାମନ୍ତରା, ୱାଇ. ସଂଯୁକ୍ତା, ଅନାଦୀ ଚରଣ ପଣ୍ଡିତ ପ୍ରମୁଖ ସମେତ ବହୁ କର୍ମୀ ଚିକିଟି ବ୍ଲକ ଲକ୍ଷ୍ମୀପୁର ଛକଠାରୁ ଏକ ବାଇକ ରାଲିରେ ମନ୍ତ୍ରୀଙ୍କୁ ପାଛୋଟି ଆଣିଥିଲେ। ଗ୍ରାମରେ ପହଞ୍ଚିବା ପରେ ମହିଳାମାନେ ପୁଷ୍ପଗୁଚ୍ଛ ପ୍ରଦାନ କରି ସ୍ବାଗତ ସମ୍ବର୍ଦ୍ଧନା କରିଥିଲେ। ଗ୍ରାମରେ ଘର ଘର ବୁଲି ମୋ ମାଟି ମୋ ଦେଶ କାର୍ଯ୍ୟକ୍ରମରେ ମାଟି ସଂଗ୍ରହ କରିବା ସହ କେନ୍ଦ୍ର ସରକାରଙ୍କ ବିଭିନ୍ନ ଜନକଲ୍ୟାଣ ଓ ଲୋକାଭିମୁଖୀ ଯୋଜନା ସମ୍ପର୍କରେ ଅବଗତ କରାଇଥିଲେ। ଅନ୍ୟମାନଙ୍କ ମଧ୍ୟରେ ୱାଇ. ମୋହନରାଓ, ଏନ୍. ତ୍ରିପତି, ସଦାନନ୍ଦ ନାୟକ, ବାଲକ୍ରିଷ୍ଣା ରେଡି, ଏମ. ମୋହନ ରାଓ ପ୍ରମୁଖଙ୍କ ସହ ବହୁ ବିଜେପି କର୍ମୀ ଉପସ୍ଥିତ ଥିଲେ।
Popular Categories
Previous article
Next article