କାମାକ୍ଷାନଗର: କାମାକ୍ଷାନଗର ଥାନା ବାଙ୍ଗୁରା ଗ୍ରାମ ପୋଖରୀରେ ବୁଡ଼ି ଜଣେ ଗାଈ ଚରାଳିଙ୍କ ମୃତ୍ୟୁ ଘଟିଛି। ମୃତକ ହେଲେ ବାଙ୍ଗୁରା ଗ୍ରାମ ଗୋଡି ସାହିର ରଘୁ ଖଟୁଆ। ଶନିବାର ଗାଈ ଚରାଇବାକୁ ଯାଇଥିବା ବେଳେ କୌଣସି କାରଣବସତଃ ପୋଖରୀକୁ ଯାଇଥିଲେ ଏବଂ ସେଠାରେ ସେ ବୁଡ଼ି ଯାଇଥିବା ଜଣାପଡିଛି। ତେବେ ପରିବାର ତରଫରୁ ମଧ୍ୟ ଗତକାଲି ରାତିଠାରୁ ରଘୁ ଘରକୁ ନଫେରିବାରୁ ବହୁ ଖୋଜାଖୋଜି କରିଥିଲେ ମଧ୍ୟ କୌଣସି ସନ୍ଧାନ ପାଇ ନଥିଲେ। ରବିବାର ସକାଳୁ ଗ୍ରାମର କିଛି ଲୋକ ପୋଖରୀରେ ଚପଲ ଭାସୁଥିବାର ଦେଖିବାକୁ ପାଇଥିଲେ। ଅଗ୍ନିଶମ ବାହିନୀ ଦ୍ବାରା ଖୋଜାଖୋଜି କରିବା ପରେ ବହୁ ସମୟ ପରେ ପାଣି ଭିତରୁ ରଘୁଙ୍କ ମୃତଦେହ ଉଦ୍ଧାର କରାଯାଇଛି। ପୁଲିସ ପକ୍ଷରୁ ମୃତଦେହ ଜବତ ପରେ ବ୍ୟବଛେଦର ବ୍ୟବସ୍ଥା କରାଯାଇଛି।
Popular Categories
Previous article
Next article