ଶ୍ରୀନଗର: ଦୁଇଜଣଙ୍କୁ ହତ୍ୟା କରିବା ପରେ ଜଣେ ଯୁବକଙ୍କୁ ଆତଙ୍କବାଦୀମାନେ ଅପହରଣ କରି ନେଇଛନ୍ତି। ପୁଲିସ ସୂଚନା ଅନୁଯାୟୀ, ଦକ୍ଷିଣ କାଶ୍ମୀର ଶୋପିଆନ୍ ଜିଲାରେ ଘଟିଛି ଏହି ଘଟଣା। ଅପହୃତ ଜଣକ ସୋହେଲ୍ ଅହମ୍ମଦ ଗାନାଇ। ଗତ ୩୬ ଘଣ୍ଟା ମଧ୍ୟରେ ଆତଙ୍କବାଦୀଙ୍କ ଏହା ଦ୍ୱିତୀୟ ନାରକୀୟ କାଣ୍ଡ। ଗତ ଶନିବାର ଦିନ କୁଲ୍ଗାମ୍ ଜିଲାର ହୁଜେଫ୍ କୁଟ୍ଟେ ନାମକ ଜଣେ ୧୯ ବର୍ଷ ବୟସ୍କ ଯୁବକଙ୍କୁ ଆତଙ୍କବାଦୀମାନେ ଅପହରଣ କରି ନେବା ପରେ ତାଙ୍କର ଗଳାକାଟି ହତ୍ୟା କରିଥିଲେ। ଶନିବାର ଗୋଟିଏ ଦିନରେ ଆତଙ୍କବାଦୀମାନେ ବିଭିନ୍ନ ଗ୍ରାମରୁ ୫ ଜଣଙ୍କୁ ଅପହରଣ କରିନେଇଥିବା ସୂଚନା ମିଳିଛି। ସେମାନଙ୍କ ମଧ୍ୟରୁ ଦୁଇ ଜଣଙ୍କୁ ଆତଙ୍କବାଦୀମାନେ ଛାଡ଼ି ଦେଇଥିବା ବେଳେ ଆହୁରି ତିନି ଜଣ ନିଖୋଜ ଅଛନ୍ତି। ଗତ ଗୁରୁବାର ଦିନ ଜଣେ ୧୭ ବର୍ଷୀୟ ସ୍କୁଲ୍ ଛାତ୍ରକୁ ଆତଙ୍କବାଦୀମାନେ ହତ୍ୟା କରିଥିଲେ। ଏହାର ଭିଡିଓ ଭାଇରାଲ୍ ହେବା ପରେ ବିବାଦ ଉପୁଜିଛି।
Popular Categories
Previous article
Next article