ରାମବନ: ଜମ୍ମୁ ଡିଭିଜନର ରାମବାନ୍ ଜିଲାରେ ପୁଲିସ ଓ ସୁରକ୍ଷାବାହିନୀ ଜଣେ ଅଲ କାଏଦା ଆତଙ୍କବାଦୀକୁ ଗିରଫ କରିଛନ୍ତି। ତା’ ପାଖରୁ ଏକ ଗ୍ରେନେଡ଼ ମଧ୍ୟ ଜବତ କରାଯାଇଛି। ଆତଙ୍କୀ ଜଣକ ପଶ୍ଚିମବଙ୍ଗ ବାସିନ୍ଦା ବୋଲି ଜଣାପଡ଼ିଛି। ଏହି ମାମଲାରେ ପୁଲିସ ଯାଞ୍ଚ ଜାରି ରଖିଛି।
ସୂଚନା ଅନୁଯାୟୀ, ରାମବନ ପୁଲିସ ବିଶେଷ ସୂଚନା ଆଧାରରେ ଆତଙ୍କବାଦୀ ଅମିରୁଦ୍ଦିନ ଖାନକୁ ଧରିଛି। ସେ ଆତଙ୍କବାଦୀ ସଂଗଠନ ଅଲ କାଏଦା ସହ ଜଡିତ ଏବଂ ପଶ୍ଚିମବଙ୍ଗର ମସିଲା ହାୱଡ଼ାର ବାସିନ୍ଦା। ପୁଲିସ ତା’ ନିକଟରୁ ଏକ ଚାଇନା ଗ୍ରେନେଡ ମଧ୍ୟ ଜବତ କରିଛି। ପୁଲିସ ତା’ ବିରୋଧରେ ମାମଲା ରୁଜୁ କରି ଅଧିକ ତଦନ୍ତ ଆରମ୍ଭ କରିଛି।
