ମୁମ୍ବାଇ: ବଲିଉଡ଼ ଅଭିନେତା ପଙ୍କଜ ତ୍ରିପାଠୀଙ୍କୁ ନିଜର ଜାତୀୟ ଆଇକନ୍ କରିବାକୁ ନିର୍ବାଚନ ଆୟୋଗ ନିଷ୍ପତ୍ତି ନେଇଛି। ନିର୍ବାଚନ ଆୟୋଗର ମୁଖ୍ୟ ନିର୍ବାଚନ ଅଧିକାରୀ ରାଜୀବ କୁମାର ସୋମବାର ଏହି ଘୋଷଣା କରିଛନ୍ତି।
ସୂଚନାଯୋଗ୍ୟ, ମତଦାନ ପ୍ରତିଶତ ବୃଦ୍ଧି ଏବଂ ଶତପ୍ରତିଶତ ମତଦାନର ପ୍ରଚାର କରିବାକୁ ନିର୍ବାଚନ ଆୟୋଗ ପ୍ରସିଦ୍ଧ ବ୍ୟକ୍ତିତ୍ୱମାନଙ୍କୁ ଜାତୀୟ ଆଇକନ୍ କିମ୍ବା ବ୍ରାଣ୍ଡ ଆମ୍ବାସାଡର କରିଥାଆନ୍ତି। ୨୦୧୪ରେ, ଗୁଜରାଟରେ ଅନୁଷ୍ଠିତ ହେବାକୁ ଥିବା ବିଧାନସଭା ନିର୍ବାଚନ ପାଇଁ ନିର୍ବାଚନ ଆୟୋଗ ଟିମ୍ ଇଣ୍ଡିଆ ବ୍ୟାଟ୍ସମ୍ୟାନ୍ ଚେତେଶ୍ୱର ପୂଜାରାଙ୍କୁ ବ୍ରାଣ୍ଡ ଆମ୍ବାସାଡର କରିଥିଲେ। ବ୍ରାଣ୍ଡ ଆମ୍ବାସାଡର ହେବା ପର୍ଯ୍ୟନ୍ତ ପୂଜାରା ନିଜେ ଥରେ ମଧ୍ୟ ଭୋଟ୍ ଦେଇ ନଥିଲେ। ଯୁବ କ୍ରିକେଟର କହିଥିଲେ ଯେ, କ୍ରିକେଟର ବ୍ୟସ୍ତ କାର୍ଯ୍ୟସୂଚୀ ଯୋଗୁ ମୁଁ ଏପର୍ଯ୍ୟନ୍ତ ଭୋଟ୍ ଦେବାକୁ ସମୟ ପାଇ ନାହିଁ, କିନ୍ତୁ ଭବିଷ୍ୟତରେ ମୁଁ ଭୋଟ୍ ଦେବାକୁ ଚେଷ୍ଟା କରିବି।
ସେହିଭଳି ନିର୍ବାଚନ କମିଶନ ମହେନ୍ଦ୍ର ସିଂହ ଧୋନୀଙ୍କୁ ମଧ୍ୟ ବ୍ରାଣ୍ଡ ଆମ୍ବାସାଡର କରିଥିଲେ। ହେଲେ ମ୍ୟାଚ୍ରେ ବ୍ୟସ୍ତ ରହିବା କାରଣରୁ ସେ ନିଜେ ଲୋକସଭା ନିର୍ବାଚନରେ ଭୋଟ୍ ଦେଇପାରିନଥିଲେ।
Comments are closed.