ନୂଆଦିଲ୍ଲୀ: ଦେଶବାସୀ ବେରୋଜଗାରୀ ସହ ଲଢ଼ୁଛନ୍ତି । ବେରୋଜଗାରୀ ଦେଶରେ ମହାମାରୀ ରୂପ ନେଇଥିବା ବେଳେ କୋଟି କୋଟି ପରିବାରଙ୍କ ନିକଟରେ ଆୟର ସ୍ଥିର ପନ୍ଥା ନାହିଁ ବୋଲି ସାମାଜିକ ଗଣମାଧ୍ୟମରେ ଏକ ବାର୍ତ୍ତା ଛାଡ଼ି କେନ୍ଦ୍ର ସରକାରଙ୍କୁ ସମାଲୋଚନା କରିଛନ୍ତି କଂଗ୍ରେସ ନେତା ରାହୁଲ ଗାନ୍ଧୀ ।
ନିଜ ବାର୍ତ୍ତାରେ ରାହୁଲ ଦର୍ଶାଇଛନ୍ତି ଲୋକସଭାରେ ଦରବୃଦ୍ଧି ଉପରେ ସରକାରଙ୍କଠାରୁ ଉତ୍ତର ଚାହିଁଥିଲେ କଂଗ୍ରେସ ସାଂସଦମାନେ। ତେବେ କେତେକ କଂଗ୍ରେସ ସାଂସଦଙ୍କ ବିରୋଧରେ ସରକାର ଆକ୍ରୋଶମୂଳକ ପଦକ୍ଷେପ ଗ୍ରହଣ କରିବାକୁ ପଛାଇ ନଥିଲେ । ଦେଶବାସୀ ବେରୋଜଗାରୀ ସହ ଲଢୁଥିବା ବେଳେ ସରକାର କୋଟି କୋଟି ଟଙ୍କା ଖର୍ଚ୍ଚ କରି ଜଣେ ଅହଂକାରୀ ରାଜାଙ୍କ ଭାବମୂର୍ତ୍ତି ନିର୍ମଳ କରିବାକୁ ଚେଷ୍ଟା କରୁଛି। ଦେଶରେ ଦରଦାମ୍ ବୃଦ୍ଧି ଘଟିନଥିବା ସରକାର କହିବା ହାସ୍ୟାସ୍ପଦ।
