ପାତ୍ରପୁର: ଜରଡା ଥାନା ତୁରିବୁଡି ପଞ୍ଚାୟତ ଝଗଡାପଲ୍ଲୀ ମୁଖ୍ୟ ରାସ୍ତାରେ ରବିବାର ରାତିରେ ଏକ ଅଟୋ ଓଲଟି ପଡିବା ଫଳରେ ଚାଳକଙ୍କ ମୃତ୍ୟୁ ଘଟିଛି। ମୃତଙ୍କ ନାମ ସୁଶାନ୍ତ ଶବର(୩୩) ଓ ଘର ତୁରିବୁଡି ପଞ୍ଚାୟତ କୃଷ୍ଣପୁର ଗ୍ରାମରେ ବୋଲି ଜଣାପଡ଼ିଛି। ଗତକାଲି ସୁଶାନ୍ତ କିଛି ଲୋକଙ୍କୁ ନେଇ ଗଜପତି ଜିଲ୍ଲା ଗଙ୍ଗାବାଡ ଗ୍ରାମକୁ ଯାଇ ରାତିରେ ନିଜ ଗ୍ରାମକୁ ଫେରୁଥିଲେ। ଏହି ସମୟରେ ଘାଟି ରାସ୍ତା ପାର ହେବାପରେ ଭାରସାମ୍ୟ ହରାଇ ଅଟୋଟି ଓଲଟି ପଡ଼ିଥିଲା। ଯାହା ଫଳରେ ସେ ଅଟୋ ତଳେ ଚାପି ହୋଇଯିବା ଫଳରେ ତାଙ୍କର ମୃତ୍ୟୁ ଘଟିଥିଲା। ତେବେ ତାଙ୍କ ସାଙ୍ଗରେ ଥିବା ଅନ୍ୟଜଣେ ଆହତ ହୋଇଛନ୍ତି। ଆହତ ବ୍ୟକ୍ତି ଜଣଜ ନିକଟ ଝଗଡାପଲ୍ଲୀ ଗ୍ରାମରେ ପହଞ୍ଚି ରାତି ୧୨ଘଣ୍ଟା ବେଳେ ଲୋକଙ୍କୁ ଜଣାଇଥିଲେ। ଲୋକମାନେ ଆହତ ବ୍ୟକ୍ତିଙ୍କୁ ଚିକିତ୍ସାପାଇଁ ପଠାଇଥିବା ବେଳେ ଖାରିଆଗୁଡା ଫାଣ୍ଡିକୁ ଖବର ଦେଇଥିଲେ। ଫାଣ୍ଡି ଅଧକାରୀ ପ୍ରଫୁଲ୍ଲ କୁମାର ଶତପଥୀ ପହଞ୍ଚିବା ସହ ଅଟୋରେ ଚାପି ହୋଇ ରହିଥିବା ଯୁବକଙ୍କୁ ଉଦ୍ଧାର କରିବା ସହ ସକାଳୁ ବ୍ୟବଚ୍ଛେଦ ନିମନ୍ତେ ବ୍ରହ୍ମପୁର ପଠାଇଛନ୍ତି। ଏନେଇ ଏକ ଅପମୃତ୍ୟୁ ମାମଲା ରୁଜୁ ହୋଇଛି।
Popular Categories
Previous article
Next article