କଲ୍ୟାଣସିଂହପୁର: ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ସୁନାଖଣ୍ଡି ପଞ୍ଚାୟତର ଜଗନ୍ନାଥପୁର ଗ୍ରାମ ମଝିରେ ଥିବା ଯାତ୍ରୀ ବିଶ୍ରାମାଗାର ଭାଙ୍ଗିଯିବାରୁ ତିନି ଜଣ ମହିଳା ଓ ପୁରୁଷ ଅଳ୍ପକେ ବର୍ତ୍ତିଯାଇଥିବା ସୂଚନା ମିଳିଛି। ଗତ ସୋମବାର ଅପରାହ୍ନରେ ଲଘୁଚାପଜନିତ ବର୍ଷା ହୋଇଥିବା ଯୋଗୁଁ ପୂର୍ବରୁ ଅବହେଳିତ ଅବସ୍ଥାରେ ଥିବା ଯାତ୍ରୀ ବିଶ୍ରାମାଗାର ଭାଙ୍ଗିଗଲା। ସନ୍ଧ୍ୟା ସମୟରେ ଗାଁର ମିଣିଆକା ମାଝୀ, ଜୟସିଂ ପିଡ଼ିସିକା ଓ ଚମ୍ପା ପାର୍ତ୍ତିକା ବସି କଥା ହେଉଥିବା ବେଳେ ଅଚାନକ ଯାତ୍ରୀ ବିଶ୍ରାମାଗାରର ତାଜା ଭୁଶୁଡି ପଡିଥିଲା । ଯାହା ଫଳରେ ସେମାନେ ଅଳ୍ପକେ ବର୍ତ୍ତି ଯାଇଥିଲେ । ଏହି ବିଶ୍ରାମାଗାର ବହୁ ପୁରୁଣା ହୋଇଯାଇଥିବାରୁ ଏପରି ହୋଇଥିବା ଗ୍ରାମବାସୀ କହିଛନ୍ତି । ଏସମ୍ପର୍କରେ ସରପଞ୍ଚଙ୍କୁ ପଚାରିବାରୁ କହିଲେ ଯାତ୍ରୀ ବିଶ୍ରାମାଗାର ପାଇଁ ଟଙ୍କା ଅଛି, ଜାଗା ଚିହ୍ନଟ ହେଲେ କରାଯିବ, ନହେଲେ ଏହାକୁ ଭାଙ୍ଗି ପୁନର୍ବାର ନିର୍ମାଣ କରାଯିବ ବୋଲି କହିଛନ୍ତି ।
Popular Categories
Previous article
Next article