ମହାମାରୀ ସତ୍ତ୍ୱେ ବ୍ଲୁ ଡାର୍ଟର ଉତ୍ତମ ପ୍ରଦର୍ଶନ

ମୁମ୍ବଇ: ଦକ୍ଷିଣ ଏସିଆର ଅଗ୍ରଣୀ ଏକ୍ସପ୍ରେସ ବିମାନ ଓ ସମନ୍ୱିତ ପରିବହନ ଏବଂ ଆବଣ୍ଟନକାରୀ କମ୍ପାନୀ ବ୍ଲୁ ଡାର୍ଟ ଏକ୍ସପ୍ରେସ ଲିମିଟେଡ ମୁମ୍ବାଇରେ ଅନୁଷ୍ଠିତ ବୋର୍ଡ ବୈଠକରେ ୨୦୨୧ ଜୁନ ସୁଦ୍ଧା ଶେଷ ହୋଇଥିବା ତିନିମାସ ପାଇଁ ଆର୍ଥିକ ଫଳାପଳ ଘୋଷଣା କରିଛି । ୨୦୨୧ ଜୁନ ୩୦ ସୁଦ୍ଧା ଶେଷ ହୋଇଥିବା ତିନିମାସରେ କମ୍ପାନୀ ୨୯୪ ନିୟୁତ ଟଙ୍କା ଟିକସ ପରବର୍ତ୍ତୀ ଲାଭ ଉପାର୍ଜନ କରିଛି, ଯେତେବେଳେ ପୂର୍ବବର୍ଷ ସେହି ତିନିମାସରେ କମ୍ପାନୀ ୧୨୭୯ ନିୟୁତ ଟଙ୍କା କ୍ଷତିର ସମ୍ମୁଖୀନ ହୋଇଥିଲା । ୨୦୨୧ ଜୁନ ୩୦ ସୁଦ୍ଧା ଶେଷ ହୋଇଥିବା ଚଳିତ ଆର୍ଥିକ ବର୍ଷର ପ୍ରଥମ ତିନିମାସରେ କମ୍ପାନୀର କାରବାରରୁ ମୋଟ ୮୬୪୮ ନିୟୁତ ଟଙ୍କା ରାଜସ୍ୱ ଆୟ କରାଯାଇଛି ।
ଚଳିତ ବର୍ଷ ଜୁନ ସୁଦ୍ଧା ଶେଷ ହୋଇଥିବା ତିନିମାସରେ ଏହାର ଷ୍ଟାଣ୍ଡଆଲୋନ ରାଜସ୍ୱ ଆୟ ପୂର୍ବବର୍ଷ ସେହି ସମୟ ତୁଳନାରେ ୧୦୯% ବୃଦ୍ଧିପାଇଥିବାବେଳେ ଇବିଆଇଟିଡିଏ ୮୯୨ ନିୟୁତ ଟଙ୍କା ହୋଇଛି । ଗତବର୍ଷ ଜୁନ ସୁଦ୍ଧା ଶେଷ ହୋଇଥିବା ତିନିମାସରେ ଏହା -୧୧୬୦ ନିୟୁତ ଟଙ୍କା (କ୍ଷତି) ଥିଲା । ସେହିଭଳି ଚଳିତ ବର୍ଷ ଜୁନ ୩୦ ସୁଦ୍ଧା ଶେଷ ହୋଇଥିବା ତିନିମାସରେ କମ୍ପାନୀର ଷ୍ଟାଣ୍ଡଆଲୋନ ଟିକସ ପରବର୍ତ୍ତୀ ଲାଭ ପରିମାଣ ୨୯୪ ନିୟୁତ ଟଙ୍କା ହୋଇଛି, ଯାହା ପୂର୍ବବର୍ଷର ସେହି ସମୟରେ ୧୨୭୯ କୋଟି ଟଙ୍କା କ୍ଷତି ହୋଇଥିଲା । ଷ୍ଟାଣ୍ଡଆଲୋନ ଇପିଏସ ପରିମାଣ ଗତ ଆର୍ଥିକ ବର୍ଷର ପ୍ରଥମ ତିନିମାସ (ଏପ୍ରିଲ-ଜୁନ)ରେ -୫୩.୯୨ ଟଙ୍କା (କ୍ଷତି) ଥିବାବେଳେ ଚଳିତ ବର୍ଷ ସେହି ସମୟରେ ତାହା ୧୨.୩୮ ଟଙ୍କା ରହିଛି ।
କମ୍ପାନୀର କନସୋଲିଡେଟେଡ ରାଜସ୍ୱ ଆୟ ଚଳିତ ବର୍ଷ ଜୁନ୍‍ ସୁଦ୍ଧା ଶେଷ ହୋଇଥିବା ତିନିମାସରେ ୮୬୬୨ ନିୟୁତ ଟଙ୍କା ହୋଇଥିବାବେଳେ ସେଥିରେ ପୂର୍ବବର୍ଷର ସେହି ସମୟ ତୁଳନାରେ ୧୦୮% ବୃଦ୍ଧି ଘଟିଛି । କମ୍ପାନୀର ପ୍ରଦର୍ଶନ ସମ୍ପର୍କରେ ପ୍ରକାଶକରି ବ୍ଳୁ ଡାର୍ଟ ପରିଚାଳନା ନିର୍ଦ୍ଦେଶକ ବାଲଫୋର ମାନୁଏଲ କହିଛନ୍ତି, ବ୍ଲୁ ଡାର୍ଟ ଦୃଢତାର ସହିତ ଛିଡା ହୋଇଛି ଏବଂ ନୂଆ ଆର୍ଥିକ ବର୍ଷର ପ୍ରଥମ ତିନିମାସରେ ଉତ୍ତମ ଫଳାଫଳ ପ୍ରଦର୍ଶନ କରିଛି । ମହାମାରୀର ଦ୍ୱିତୀୟ ଲହର ପରିପ୍ରେକ୍ଷୀରେ ଆମେ ବିବିଧ ଆହ୍ୱାନମୂଳକ ପରିସ୍ଥିତିର ସମ୍ମୁଖୀନ ହେଉଥିବାବେଳେ ବ୍ଲୁ ଡାର୍ଟର ବ୍ୟବସାୟ ମଜବୁତ ଭାବରେ ଆଗକୁ ବଢୁଛି ଏବଂ ସମସ୍ତ ପରିବର୍ତ୍ତନଶୀଳ ବାହ୍ୟ ପରିବେଶ ସହିତ ନିଜକୁ ଖାପଖୁଆଇ ଆଗେଇ ଚାଲିଛି ।