କରୋନାର ସାମାନ୍ୟ ଲକ୍ଷଣ ଦେଖାଯାଉଥିବା ରୋଗୀ ୧୪ ଦିନରେ ଠିକ ହୋଇଯାଉଥିବା ଦେଖାଯାଉଛି। ରିପୋର୍ଟ ନେଗେଟିଭ ଆସିବା ପରେ ମଧ୍ୟ ସେମାନଙ୍କୁ ଦୁର୍ବଳ , ହାଲିଆ ଆଦି ଅନେକ ଦିନ ଯାଏଁ ଅନୁଭବ ହୋଇଥାଏ। କିଛି ଲୋକଙ୍କୁ ଦୀର୍ଘ ୬ ରୁ ୭ ମାସ ସମୟ ଲାଗିଥାଏ ସମ୍ପୂର୍ଣ୍ଣ ଭାବେ ସୁସ୍ଥ ଅନୁଭବ କରିବାକୁ। ଏଭଳି କ୍ଷେତ୍ରରେ କରୋନାରୁ ଭଲ ହେବା ପରେ କିଛି ସ୍ୱତନ୍ତ୍ର ଉପାୟ ଆପଣାଇବା ପାଇଁ ବିଶେଷଜ୍ଞ ପରାମର୍ଶ ଦେଇଛନ୍ତି। ଜାଣନ୍ତୁ….
ନିଜ ସ୍ୱାସ୍ଥ୍ୟ ପ୍ରତି ସମ୍ପୂର୍ଣ୍ଣ ଧ୍ୟାନ ଦିଅନ୍ତୁ।
ପ୍ରାତଃ ସମୟରେ ଶେଯରୁ ଉଠି କଅଁଳ ଖରାରେ ରୁହନ୍ତୁ। ବ୍ୟାୟମ କରନ୍ତୁ। ଏହାଦ୍ୱାରା ସକରାତ୍ମକ ଶକ୍ତି ଶରୀରରେ ପ୍ରବେଶ କରିଥାଏ। ମାତ୍ର ଅଧିକ ବ୍ୟାୟାମ କରନ୍ତୁ ନାହିଁ।
ଘରେ ରହି ମଧ୍ୟ ଅମ୍ଳଜାନର ସ୍ତର ସଠିକ ରଖନ୍ତୁ। ଆବଶ୍ୟକ ଅନୁଯାୟୀ ପ୍ରାଣାୟମ କରନ୍ତୁ।
ପ୍ରତ୍ୟେକ ଦିନ ସକାଳ ସମୟରେ ଖୁଜରୀ, କିସମିସ,ବାଦାମ ଖାଆନ୍ତୁ। ଏହାକୁ ରାତିରେ ବତୁରାଇ ସକାଳେ ଖାଆନ୍ତୁ। ଶରୀରକୁ ଆବଶ୍ୟକ ପରିମାଣରେ ଏହା ଶକ୍ତି ଯୋଗାଇବା ସହ ଖୁବ ହିତକାରକ।
ନିଜ ଖାଦ୍ୟ ପ୍ରତି ସ୍ୱତନ୍ତ୍ର ଧ୍ୟାନ ଦିଅନ୍ତୁ। ପ୍ରତିଦିନ ଡାଲି ପାଣି ପିଅନ୍ତୁ। ଦିନକ ଛଡା ଦିନେ ପୃଷ୍ଟିକର ଖେଚେଡି ଖାଆନ୍ତୁ।
ଭିଟାମିନ, ଫାଇବର ଯୁକ୍ତ ଖାଦ୍ୟ ଖାଆନ୍ତୁ।
ଦିନକୁ ୨ ଥର ଜିରା,ଧନିଆ, ପାନମଧୁରୀକୁ ଆଦିରେ ଚା’ପ୍ରସ୍ତୁତ କରନ୍ତୁ। ଏହା ଶରୀରରୁ ଅଦରକାରୀ ପଦାର୍ଥ ବାହାର କରିବାରେ ସାହାଯ୍ୟ କରିଥାଏ। ଏହା ମାନସିକ ଦୁଶ୍ଚିତା ଦୂର କରିବା ସହ ପାଚନ ତନ୍ତ୍ରକୁ ସୁସ୍ଥ ରଖିଥାଏ। ରୋଗ ପ୍ରତିରୋଧକ ଶକ୍ତି ବୃଦ୍ଧି କରିଥାଏ।
ଟିଭି ,ମୋବାଇଲ କମ ବ୍ୟବହାର କରିବା ସହ ଆବଶ୍ୟକ ପରିମାଣରେ ଶୁଅନ୍ତୁ। ରାତିରେ ମଧ୍ୟ ଯଥେଷ୍ଟ ପରିମାଣରେ ଶୁଅନ୍ତୁ।
ଏହାସହ ମାସ୍କ ପିନ୍ଧିବା ସହ ସାମଜିକ ଦୂରତା ବଜାୟ ରଖନ୍ତୁ।
ବିଶେଷଜ୍ଞଙ୍କ ପରାମର୍ଶ ; କରୋନାରୁ ସୁସ୍ଥ ହେବା ପରେ ଆପଣାନ୍ତୁ ଏହି ଉପାୟ
Popular Categories
Previous article
Next article