ମୁମ୍ବାଇ: କ୍ରିକେଟ କିମ୍ବଦନ୍ତୀ ମାଷ୍ଟରବ୍ଲାଷ୍ଟର ସଚିନ ତେନ୍ଦୁଲକର ଘରୋଇ କ୍ରିକେଟରେ ପଦାର୍ପଣ କରିବାର ୩୨ ବର୍ଷ ପରେ ମୁମ୍ବାଇ ପାଇଁ ସିନିୟର ଦଳରେ ଖେଳିବାର ସୁଯୋଗ ପାଇଛନ୍ତି ପୁତ୍ର ଅର୍ଜୁନ ତେନ୍ଦୁଲକର। ଶୁକ୍ରବାର ବିକେସି ଗ୍ରାଉଣ୍ଡରେ ଖେଳାଯାଇଥିବା ଚଳିତ ସୟଦ ମୁସ୍ତାକ ଅଲ୍ଲୀ ଟ୍ରଫିର ଏଲିଟ୍ ଗ୍ରୁପ-ଇ ର ହରିୟାଣା ବିପକ୍ଷ ମ୍ୟାଚରେ ଜୁନିୟର ତେନ୍ଦୁଲକର ମୁମ୍ବାଇ ପକ୍ଷରୁ ପ୍ରତିନିଧିତ୍ବ କରି ଘରୋଇ କ୍ରିକେଟ କ୍ୟାରିୟର ଆରମ୍ଭ କରିଛନ୍ତି। ଜୁନିୟର ତେନ୍ଦୁଲକର ମ୍ୟାଚରେ ୧୧ନମ୍ବର ସ୍ଥାନରେ ବ୍ୟାଟିଂ କରିବାକୁ ଆସି ବିନା ରନ୍ରେ ଅପରାଜିତ ରହିଥିବାବେଳେ ୩ ଓଭର ବୋଲିଂ କରି ୩୪ରନ ବିନିମୟରେ ଗୋଟିଏ ୱିକେଟ ନେଇଥିଲେ। ଉକ୍ତ ମ୍ୟାଚରେ ମୁମ୍ବାଇ ୮ ୱିକେଟରେ ହରିୟାଣା ନିକଟରୁ ପରାଜିତ ହୋଇଛି। ପ୍ରଥମ ମ୍ୟାଚରେ ଘରୋଇ କ୍ରିକେଟରେ ଗୋଟିଏ ମ୍ୟାଚ ଖେଳିଥିବାରୁ ଏହି ଜୁନିୟର ତେନ୍ଦୁଲକର ଆଇପିଏଲ ନିଲାମ ପ୍ରକ୍ରିୟାରେ ସାମିଲ ହେବା ନେଇ ଯୋଗ୍ୟତା ହାସଲ କରିଛନ୍ତି। ୨୧ ବର୍ଷ ବୟସ୍କ ଜୁନିୟର ତେନ୍ଦୁଲକର ମୁମ୍ବାଇ ପକ୍ଷରୁ ବିଭିନ୍ନ ଜୁନିୟର ଦଳ ପକ୍ଷରୁ ଖେଳିଛନ୍ତି। ୨୦୧୮ରେ ଭାରତୀୟ ୧୯ ବର୍ଷରୁ କମ୍ ଦଳର ଶ୍ରୀଲଙ୍କା ଗସ୍ତରେ ଜୁନିୟର ତେନ୍ଦୁଲକର ପ୍ରତିନିଧିତ୍ବ କରିଥିଲେ।
Popular Categories
Previous article
Next article