ପୁରୀ ଏସପି ଅଖିଳେଶ୍ବର ସିଂହଙ୍କୁ ବଦଳି କରାଯାଇଛି । ତାଙ୍କ ସ୍ଥାନରେ ସମ୍ବଲପୁର ଏସପି କେ. ବିଶାଳ ସିଂହଙ୍କୁ ପୁରୀ ଏସପି ଭାବରେ ଅବସ୍ଥାପିତ କରାଯାଇଛି । ତତ୍କ୍ଷଣାତ୍ ଏହି ପରିବର୍ତନ କାର୍ଯ୍ୟକାରୀ କରିବାକୁ ନିର୍ଦେଶ ଦିଆଯାଇଛି ।
ଦିନକ ତଳେ ପୁରୀରେ ଏକ ହାଜତ ମୃତ୍ୟୁକୁ ନେଇ ରାଜ୍ୟ ରାଜନୀତି ସରଗରମ ହୋଇ ଉଠିଛି । ବିଧାନସଭା କାଳରେ ପୁରୀ ଓ ସୁନ୍ଦରଗଡ଼ ଜିଲାର କୁଆଁରମୁଣ୍ଡାରେ ଦୁଇ ଦୁଇଟି ହାଜତ ମୃତ୍ୟୁ ବିରୋଧୀଙ୍କ ପାଇଁ ସରକାରଙ୍କୁ ସମାଲୋଚନା ନିମନ୍ତେ ସୁଯୋଗ ଦେଇଛି । ଅନ୍ୟପକ୍ଷରେ ଜାତୀୟ ମାନବାଧିକାର କମିଶନ ଓ ହାଇକୋର୍ଟ ଏହି ପ୍ରସଙ୍ଗରେ ସରକାରଙ୍କୁ ରିପୋର୍ଟ ତଲବ କରିଛନ୍ତି । ପୁରୀ ଏସପି ଅଖିଳେଶ୍ବର ସିଂହଙ୍କୁ ବଦଳି ପାଇଁ ଦାବି ହୋଇଛି । ଏସବୁକୁ ଦୃଷ୍ଟିରେ ରଖି ରାଜ୍ୟ ସରକାର ଏସପି ଅଖିଳେଶ୍ବର ସିଂହଙ୍କୁ ବଦଳି କରି ମୁଖ୍ୟାଳୟରେ ଅବସ୍ଥାପିତ କରିଛନ୍ତି । ତାଙ୍କ ସ୍ଥାନରେ କେ. ବିଶାଳ ସିଂହଙ୍କୁ ତୁରନ୍ତ କାର୍ଯ୍ୟଭାର ଗ୍ରହଣ କରିବାକୁ ନିର୍ଦେଶ ଦେଇଛନ୍ତି ।
