ରାଜସ୍ଥାନ : ରାଜସ୍ଥାନର ଭୀଲବାଡ଼ା ଜିଲାରେ ଶନିବାର ବିଳମ୍ବିତ ରାତିରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଏକ ଭ୍ୟାନ ଓ ଟ୍ରେଲର ଧକ୍କା ହେବା ଫଳରେ ୭ ଜଣଙ୍କର ମୃତ୍ୟୁ ହୋଇଛି।
ପୁଲିସ ସୂଚନା ଅନୁଯାୟୀ, ମୃତକମାନେ କୋଟାରୁ ଭୀଲବାଡ଼ା ଯାଉଥିବା ବେଳେ କେସରପୁରା ନିକଟରେ ଏହି ଦୁର୍ଘଟଣା ଘଟିଥିଲା। କେସରପୁରା ନିକଟରେ ଟ୍ରେଲର ସହ ଧକ୍କା ପରେ ଭ୍ୟାନଟି ସମ୍ପୂର୍ଣ୍ଣ ଭାଙ୍ଗିବା ସହ ଏଥିରେ ନିଆଁ ଲାଗି ଯାଇଥିଲା। ଫଳରେ ଭ୍ୟାନରେ ଥିବା ସମସ୍ତ ଯାତ୍ରୀଙ୍କର ମୃତ୍ୟୁ ହୋଇଯାଇଥିଲା। ଦୁର୍ଘଟଣା ପରେ ଅନେକ ସମୟ ପର୍ଯ୍ୟନ୍ତ ଏହି ମାର୍ଗରେ ଗମନାଗମନ ବନ୍ଦ ରହିଥିଲା। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିବା ପରେ ଗମନାଗମନ ସ୍ୱଭାବିକ ହୋଇଥିଲା।
Comments are closed.