ଭୁବନେଶ୍ୱର: ଦେଶରେ ବଢ଼ି ଚାଲିଥିବା ତୈଳ ଦରକୁ ଦୃଷ୍ଟିରେ ରଖି ରାଜସ୍ଥାନ ଓ ଆନ୍ଧ୍ରପ୍ରଦେଶ ସରକାର ପେଟ୍ରୋଲ୍ ଓ ଡିଜେଲ୍ ଉପରୁ ଭ୍ୟାଟ୍ ହ୍ରାସ ଘୋଷଣା କରିଛନ୍ତି। କିନ୍ତୁ ଓଡ଼ିଶାରେ ଭ୍ୟାଟ୍ ହ୍ରାସ ଯୋଜନା ନାହିଁ ବୋଲି ବିଜେଡି ମୁଖପାତ୍ର ସସ୍ମିତ ପାତ୍ର କହିଛନ୍ତି। ଏ ସମ୍ପର୍କିତ ଏକ ପ୍ରଶ୍ନର ପ୍ରତିକ୍ରିୟାରେ ଶ୍ରୀ ପାତ୍ର କହିଛନ୍ତି ଯେ ଭ୍ୟାଟ୍ ହ୍ରାସ ସତ୍ତେ୍ୱ ରାଜସ୍ଥାନ ଓ ଆନ୍ଧ୍ରପ୍ରଦେଶରେ ପେଟ୍ରୋଲ୍ ଓ ଡିଜେଲ୍ ମୂଲ୍ୟ ଓଡ଼ିଶା ତୁଳନାରେ ଅଧିକ ରହିଛି। ଓଡ଼ିଶାରେ ଯେତିକି ଦରରେ ପେଟ୍ରୋଲ୍ ଓ ଡିଜେଲ୍ ବିକ୍ରି ହେଉଛି ତା ଠାରୁ ରାଜସ୍ଥାନରେ ୨ ଟଙ୍କା ଅଧିକ ଓ ଆନ୍ଧ୍ରପ୍ରଦେଶରେ ୭ ଟଙ୍କା ଅଧିକ ଦରରେ ବିକ୍ରି ହେଉଛି। ଉପରୋକ୍ତ ଦୁଇ ରାଜ୍ୟ ତୁଳନାରେ ଓଡ଼ିଶା ସରକାର ଯଥେଷ୍ଟ କମ୍ ହାରରେ ଭାଟ ଲାଗୁ କରିଛନ୍ତି। ତେଣୁ ସାମ୍ପ୍ରତିକ ସ୍ଥିତିରେ ଓଡ଼ିଶାରେ ପେଟ୍ରୋଲ୍ ଓ ଡିଜେଲ୍ ଉପରୁ ଭାଟ ହ୍ରାସ ହେବାର ଯୋଜନା ନାହିଁ।
Popular Categories
Previous article
Next article