ଗୋପାଳପୁର: ଗୋଳନ୍ଥରା ଥାନା ଅଞ୍ଚଳରୁ ନବମ ଶ୍ରେଣୀରେ ପାଠ ପଢ଼ୁଥିବା ଜଣେ ନାବାଳିକା ନିଖୋଜ ନେଇ ଅଭିଯୋଗ ପରେ ପୁଲିସ ପକ୍ଷରୁ ନାବାଳିକାକୁ ଉଦ୍ଧାର କରିବା ସହ ଅପହରଣ କରିଥିବା ଯୁବକକୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି। ଗିରଫ ଅଭିଯୁକ୍ତ ଜଣଙ୍କ ସୁରଳ ଗ୍ରାମର ଚିତ୍ରସେନ ବେହେରା ବୋଲି ପୁଲିସ ସୂଚନା ଦେଇଛି। ଗତ ୩ ତାରିଖରେ ପଡ଼ୋଶୀ ଗାଁରେ ରହୁଥିବା ଜଣେ ୧୪ ବର୍ଷିଆ ତଥା ନବମ ଶ୍ରେଣୀ ପଢୁଥିବା ଝିଅକୁ ବିବାହର ପ୍ରଲୋଭନ ଦେଖାଇ ଅପହରଣ କରି ନେଇଥିଲା ଚିତ୍ରସେନ। ଘଟଣା ନେଇ ନାବାଳିକାଙ୍କ ବାପା ଥାନାରେ ଲିଖିତ ଅଭିଯୋଗ କରିଥିଲେ। ପୁଲିସ ପକ୍ଷରୁ ଅଭିଯୋଗକୁ ଭିତ୍ତି କରି ତଦନ୍ତ ଆରମ୍ଭ ହୋଇଥିଲା। ଶନିବାର ନାବାଳିକା ଜଣକ ଘରକୁ ଫେରିଥିବା ଖବରପାଇ ପୁଲିସ ସେଠାରେ ପହଞ୍ଚି ନାବାଳିକାକୁ ଉଦ୍ଧାର କରିଥିଲା। ରବିବାର ଅଭିଯୁକ୍ତ ଚିତ୍ରସେନ ସୁବାଣୀଠାରେ ନିଜ ଘରେ ଥିବା ଖବର ପାଇ ପୁଲିସ ପହଞ୍ଚି ତାକୁ ଗିରଫ କରିଥିଲା। ଉଭୟଙ୍କୁ ଡାକ୍ତରୀମାଇନା କରାଯିବା ସହ ବୟାନ ରେକର୍ଡ କରାଯାଇଥିଲା। ପୁଲିସ ପକ୍ଷରୁ ୫୯/୨୫ ରେ ଏକ ମାମଲା ଦାୟର କରିବା ସହ ଚିତ୍ରସେନକୁ କୋର୍ଟ ଚାଲାଣ କରାଯାଇଛି।
Popular Categories
Previous article
Next article