ମୁମ୍ବାଇ..- ବେଳେ ବେଳେ ଅନେକ ଲୋକ ଆଇନର ଅପବ୍ୟବହାର କରିବା ସହ ଏଥିରୁ ଫାଇଦା ଉଠାଇବା ପାଇଁ ଚେଷ୍ଚା କରିଥାଆନ୍ତି । ମିଛ ଅସଦାଚରଣ ମାମଲା ରୁଜୁ କରିବାକୁ ଧମକ ଦେବା ଜଣେ ମହିଳାଙ୍କର ପାଇଁ ବେଶ ମହଙ୍ଗା ସାବସ୍ତ୍ୟ ହୋଇଛି । ଏପରି ଘଟଣା ମୁମ୍ବାଇରେ ଘଟିଛି। ମହିଳାଜଣଙ୍କୁ ୨୫ ଲକ୍ଷ ଟଙ୍କା ଜୋରିମାନା ଦେବା ପାଇଁ ବମ୍ବେ ହାଇକୋର୍ଟ ନିର୍ଦେଶ ଦେଇଛନ୍ତି ।
ଟାଇମସ୍ନଓ.କମ୍ରେ ବାହାରିଥିବା ଖବର ଅନୁଯାୟୀ ହରିୟାଣାର ନେହା ଗାନ୍ଧୀର ନାମକ ଜଣେ ମହିଳା ଓ ତାଙ୍କ ସ୍ୱାମୀଙ୍କୁ ୨୫ ଲକ୍ଷ ଟଙ୍କା ଜୋରିମାନା ଦେବା ପାଇଁ ଅଦାଲତ ନିର୍ଦେଶ ଦେଇଛନ୍ତି । ନେହା ଗାନ୍ଧୀର ଫିଲ୍ ଗୁଡ୍ ନାମକ କମ୍ପାନୀରେ କାମ କରନ୍ତି । ମୁମ୍ବାଇର ଶପତ ଓ କମ୍ପାନୀର ଟ୍ରେଡ ମାର୍କକୁ ସେମାନେ ବ୍ୟବହାର କରୁଥିବା ଅଭିଯୋଗ ହୋଇଥିଲା । ଏକ କାଶ ସିରଫର ଟ୍ରେଡ୍ ମାର୍କ ଓ ନାମକୁ ଫିଲ୍ ଗୁଡ ପକ୍ଷରୁ ବେଆଇନ ଭାବେ ବ୍ୟବହାର କରାଯାଉଥିବା ଶପତ କମ୍ପାନୀ ପକ୍ଷରୁ ମାମଲା ରୁଜୁ ହୋଇଥିଲା । ଅଦାଲତ ଫିଲ୍ଗୁଡ୍ କମ୍ପାନୀର ଏହି ଜିନିଷକୁ ଜବତ କରିବା ପାଇଁ ନିର୍ଦେଶ ଦେଇଥିଲେ । ଅଦାଲତର ଅଧିକାରୀ ଏହି କଫ୍ ସିରପ୍କୁ ଜବତ କରୁଥିବା ବେଳେ ନେହା ସେଠାକୁ ଆସି ସେମାନଙ୍କୁ ବାଧା ଦେଇଥିଲେ । ଏହି ସବୁ ଜିନିଷର ଭିଡିଓ ରେକର୍ଡିଂ କରାଯାଉଥିଲା । ନେହା ସେମାନଙ୍କ ବିରୁଦ୍ଧରେ ମିଛ ଅସଦାଚରଣ ମାମଲା ରୁଜୁ କରିବେ ବୋଲି ଧମକ ଦେବା ସହ କ୍ୟାମେରା ଛଡାଇ ନେଇଥିଲେ । ଏହାପରେ ଅଦାଲତରେ ମାମଲା ରୁଜୁ ହୋଇଥିଲା । କିଛି ଲୋକ ଆଇନର ଅପବ୍ୟବହାର କରି ଫାଇଦା ନେବା ପାଇଁ ପଛାଉ ନାହାନ୍ତି ବୋଲି ଜଷ୍ଟିସ୍ ଏସ୍ କାଟାଓ୍ୱାଲା ଟାଇମସ୍ଅଫ୍ ଇଣ୍ଡିଆକୁ ଏକ ସାକ୍ଷାତକାରରେ କହିଛନ୍ତି । ସମ୍ପୃକ୍ତ ମହିଳା ଜାଣିଶୁଣି ଏପରି କରି ନଥିବା ମାନିଥିଲେ । ମାତ୍ର ଅଦାଲତ ଏହାକୁ ଭର୍ତ୍ସନା କରିବା ସହ ନେହା ଓ ତାଙ୍କ ସ୍ୱାମୀଙ୍କୁ ୨୫ ଲକ୍ଷ ଟଙ୍କା ଜୋରିମାନା ଦେବାକୁ ନିର୍ଦେଶ ଦେଇଛନ୍ତି ।
.
