ନୂଆଦିଲ୍ଲୀ: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ମୁମ୍ବାଇର ମାଜଗାଓଁ ମାଜିଷ୍ଟ୍ରେଟ କୋର୍ଟ ନୋଟିସ୍ କରିଛନ୍ତି । ଜାତୀୟ ସଂଗୀତକୁ ଅବମାନନା ଅଭିଯୋଗରେ ମମତାଙ୍କୁ ନୋଟିସ କରିଛନ୍ତି କୋର୍ଟ । ନୋଟିସରେ କୁହାଯାଛି ମାର୍ଚ୍ଚ ୨ ତାରିଖରେ ମାମଲାର ଶୁଣାଣି କରାଯିବ । ତେଣୁ ମମତା ବାନାର୍ଜୀ ୨ ତାରିଖ ଦିନ କୋର୍ଟରେ ଉପସ୍ଥିତ ରହିବାକୁ କୁହାଯାଇଛି । ୨୦୨୧ ଡିସେମ୍ବର ମାସ ୧ ତାରିଖରେ ମୁମ୍ବାଇରେ ମମତା ଜାତୀୟ ସଂଗୀତକୁ ଅବମାନନା କରିଥିବା ଅଭିଯୋଗ ହୋଇଛି । ଡିସେମ୍ବର ୧ ତାରିଖ ଦିନ ମୁମ୍ବାଇରେ ଏକ କାର୍ଯ୍ୟକ୍ରମର ଆୟୋଜନ ହୋଇଥିଲା । ସେହି କାର୍ଯ୍ୟକ୍ରମରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଜାତୀୟ ସଂଗୀତକୁ ଅବମାନନା କରିଛନ୍ତି ।
ଅଭିଯୋଗ ଅନୁଯାୟୀ ଉକ୍ତ କାର୍ଯ୍ୟକ୍ରମରେ ଜାତୀୟ ସଂଗୀତ ଗାନ କରାଯାଇଥିଲା । ସେହି ସମୟରେ ମମତା ଛିିଡା ହେବା ପରିବର୍ତ୍ତେ ଚେୟାରରେ ବସି ରହିଥିଲେ । ପରେ କିଛି ସେକେଣ୍ଡ ପରେ ସେ ଛିଡା ହେବା ସହ ଜାତୀୟ ସଂଗୀତ ଗାଇବା ବନ୍ଦ କରି ସେଠାରୁ ଚାଲିଯାଇଥିଲେ । ପରେ ଏପରି ଏକ ଭିଡିଓ ସୋଶିଆଲ ମଡିିଆରେ ଭାଇରାଲ ହେବାର ଲାଗିଥିଲା ।
