ଭଗବାନ ବିଷ୍ଣୁଙ୍କୁ ସଂସାରର ପାଳନ କର୍ତ୍ତା କୁହାଯାଏ। ଭଗବାନ ବିଷ୍ଣୁଙ୍କ ସବୁଠାରୁ ବଡ ସ୍ତୁତି ହେଉଛି ବିଷ୍ଣୁ ସହସ୍ରନାମ। ଶାସ୍ତ୍ର ଅନୁସାରେ ଭଗବାନ ବିଷ୍ଣୁଙ୍କ ଉପାସନା କରିବା ଦ୍ବାରା ଜୀବନ ଅତି ସହଜରେ ଅତିବାହିତ ହୋଇଥାଏ। ବିଷ୍ଣୁ ସହସ୍ରନାମରେ ଭଗବାନଙ୍କର ଏକ ହଜାର ନାମ ବିଷୟରେ ବର୍ଣ୍ଣନା କରାଯାଇଛି। ଏହି ସ୍ତୁତିର ଜପ କରିବା ଦ୍ବାରା ଜୀବନରେ ଅନେକ ସମସ୍ୟାର ସମାଧାନ ସହଜରେ ହୋଇଥାଏ। ଆସନ୍ତୁ ଜାଣିବା ବିଷ୍ଣୁ ସହସ୍ରନାମ ପାଠ ସମ୍ବନ୍ଧରେ ..
ଭଗବାନ ବିଷ୍ଣୁଙ୍କ ନାମ ଧରିବା ଦ୍ବାରା ଜୀବନରେ ଜନ୍ମ ଓ ମୃତ୍ୟୁ ସମ୍ପର୍କିତ ବାଧା ଦୂର ହୋଇଥାଏ। ତାଙ୍କର ପୂଜା ଓ ଉପାସନା କରିବା ଦ୍ବାରା ଜୀବନ ଅତି ସହଜରେ ଅତିବାହିତ ହୋଇଥାଏ। ବିଷ୍ଣୁ ସହସ୍ରନାମ ପାଠ କରିବା ଦ୍ବାରା ଜାତକରେ ବୃହସ୍ପତି ଗ୍ରହଙ୍କ ସ୍ଥିତି ମଜଭୂତ ହୋଇଥାଏ। ଏହାସହ ସମସ୍ତ ଗ୍ରହ ଓ ନକ୍ଷତ୍ର ମଧ୍ୟ ନିୟନ୍ତ୍ରିତ ହୋଇ ରହିଥାଆନ୍ତି।
ଜ୍ୟୋତିଷ ଶାସ୍ତ୍ରରେ ବୃହସ୍ପତିଙ୍କ ସ୍ଥିତି ଦୁର୍ବଳ ରହିଥିଲେ ବ୍ୟକ୍ତିଙ୍କର ପେଟ ସମ୍ବନ୍ଧୀୟ ଅନେକ ସମସ୍ୟା ଦେଖା ଦେଇଥାଏ। ଏହି ସମସ୍ୟାରୁ ମୁକ୍ତି ପାଇବା ପାଇଁ ବିଷ୍ଣୁ ସହସ୍ରନାମ ପାଠ ଜପ କରନ୍ତୁ। ଏହି ପାଠ ଜପ କରିବା ଦ୍ବାରା ବୈବାହିକ ଜୀବନରେ ଉତ୍ପନ୍ନ ହେଉଥିବା ସମସ୍ୟା ଦୂର ହୋଇଥାଏ।
ବିଧି :
ପ୍ରତିଦିନ ପ୍ରାତଃକାଳରେ ବିଷ୍ଣୁ ସହସ୍ରନାମ ପାଠ ଜପ କରନ୍ତୁ। ପାଠ ଆରମ୍ଭ କରିବା ପୂର୍ବରୁ ଓ ପରେ ବିଷ୍ଣୁଙ୍କ ଧ୍ୟାନ କରନ୍ତୁ। ଏହାସହ ହଳଦିଆ ବସ୍ତ୍ର ପରିଧାନ କରନ୍ତୁ। ବିଷ୍ଣୁ ସହସ୍ରନାମ ପାଠ ଜପ କରିବା ପରେ ଗୁଡ, ଚଣା କିମ୍ବା ହଳଦିଆ ମିଠା ଭୋଗ ଲଗାନ୍ତୁ। ବିଷ୍ଣୁ ସହସ୍ରନାମ ପାଠ କରିବା ପାଇଁ ଗୁରୁବାର ସର୍ବତ୍ତୋମ ଅଟେ। ଗୁରୁବାର ଦିନ ଲୁଣ ସେବନ କରନ୍ତୁ ନାହିଁ। ବିଷ୍ଣୁ ସହସ୍ରନାମ ପାଠ କରିବା ଦିନ ସାତ୍ତ୍ବିକ ଭୋଜନ ସେବନ କରନ୍ତୁ।
