ଦେଶର ଅନେକ ଅଂଚଳରେ କରୋନା ପ୍ରତିଷେଧକ ଟିକା ନେବାକୁ ଅମଙ୍ଗ ହେଉଥିବା ଲୋକଙ୍କ ସଂଖ୍ୟା ବଢ଼ିବାରେ ଲାଗିଛି। କିଛି ଲୋକ ଗୁଜବରେ ବିଶ୍ୱାସ କରି ଟିକା ନେବାକୁ ରାଜି ହେଉନଥିବା ବେଳେ ଅନ୍ୟ କିଛି ଜଣ ବିଭିନ୍ନ ଆଳ ଦେଖାଇ ଟିକା ନେବାକୁ ମଙ୍ଗୁ ନାହାନ୍ତି। ଏମିତି କେତେ ଘଟଣା ଘଟୁଥିବା ବେଳେ ଉତ୍ତରପ୍ରଦେଶର ସିସୁର୍ହା ଗାଁର କିଛି ଲୋକ ଟିକା ଦେବାକୁ ଆସୁଥିବା ସ୍ୱାସ୍ଥ୍ୟକର୍ମୀଙ୍କୁ ଦେଖି ନଦୀକୁ ଡେଇଁ ପଡ଼ିଥିଲେ। ସ୍ୱାସ୍ଥ୍ୟକର୍ମୀମାନେ ସେହି ଗାଁକୁ ସ୍ୱତନ୍ତ୍ର ଟିକାକରଣ ଅଭିଯାନରେ ଯାଇଥିଲେ। ଏହି ଟିକା ଏକ ବିଷାକ୍ତ ଇଞ୍ଜେକ୍ସନ ବୋଲି ଗୁଜବ ଉଠିବା ପରେ ଗ୍ରାମବାସୀମାନେ ଏଭଳି ଚରମ ପଦକ୍ଷେପ ନେଇଥିଲେ।
ରାମନଗର ତହସିଲର ଅପାଖଣ୍ଡ ସ୍ଥରୀୟ ମାଜିଷ୍ଟ୍ରେଟ ରାଜୀବ କୁମାର ଶୁକ୍ଲାଙ୍କ କହିବାନୁସାରେ, ଶନିବାର ଦିନ ଏହି ଘଟଣା ଘଟିଥିଲା ଏବଂ ଗ୍ରାମବାସୀମାନେ ସାରାୟୁ ନଦୀକୁ ଡେଇଁ ପଡ଼ିଥିଲେ। କିଛି ସମୟ ପରେ ସ୍ୱାସ୍ଥ୍ୟ ଅଧିକାରୀମାନେ ଗ୍ରାମବାସୀଙ୍କୁ ଟୀକାକରଣର ମହତ୍ତ୍ୱ ବୁଝାଇବା ପରେ ୧୮ ଜଣ ଗ୍ରାମବାସୀ ଟିକା ନେବାକୁ ରାଜି ହୋଇଥିଲେ ବୋଲି ଶୁକ୍ଲା କହିଛନ୍ତି।
