ଭୁବନେଶ୍ଵର: ଉତ୍କଳ ବିଶ୍ବବିଦ୍ୟାଳୟ ପକ୍ଷରୁ ୨୬୪ଦିନ ବିଳମ୍ବରେ ରିଟ୍ ପିଟିସନ୍ ଦାଖଲ କରାଯାଇଥିବାରୁ ବିଶ୍ବବିଦ୍ୟାଳୟକୁ ଜୋରିମାନା ହୋଇଛି। ଏକାଧିକ ମାମଲାରେ ଜଣିକିଆ ବିଚାରପତିଙ୍କ ଆଦେଶ ବିରୋଧରେ ଉତ୍କଳ ବିଶ୍ବବିଦ୍ୟାଳୟ ବିଳମ୍ବରେ ହାଇକୋର୍ଟରେ ରିଟ୍ ପିଟିସନ ଦାଖଲ କରିଥିଲା। ଆଜି ଏହାର କରି କାର୍ଯ୍ୟକାରୀ ମୁଖ୍ୟ ବିଚାରପତି ଅରିନ୍ଦମ ସିହ୍ନା ଏବଂ ବିଚାରପତି ଏମ୍.ଏସ୍. ସାହୁଙ୍କ ଖଣ୍ଡପୀଠ ବିଶ୍ବବିଦ୍ୟାଳୟକୁ ୨୦ହଜାର ଟଙ୍କା ଜୋରିମାନା ଦେବା ପାଇଁ ଆଦେଶ ଦେବା ସହ ଆବେଦନକୁ ବିଚାର ପାଇଁ ଗ୍ରହଣ କରିଛନ୍ତି। ମାମଲାର ଶୁଣାଣି ଫେବୃଆରୀ ୨୪କୁ ଧାର୍ଯ୍ୟ ହୋଇଛି।
ମାମଲାର ଶୁଣାଣି ଅବସରରେ ପ୍ରତିପକ୍ଷଙ୍କ ପକ୍ଷରୁ ବରିଷ୍ଠ ଆଇନଜୀବୀ ଜଗନ୍ନାଥ ପଟ୍ଟନାୟକ ଅଦାଲତଙ୍କୁ ଅବଗତ କରିଥିଲେ ଯେ, ପୂର୍ବରୁ ଗୋଟିଏ ମାମଲାରେ ହାଇକୋର୍ଟ ଉକ୍ତ ପିଟିସନ୍କୁ ବିଚାର ପାଇଁ ଗ୍ରହଣ କରି ବିଶ୍ବବିଦ୍ୟାଳୟ ଉପରେ ଜୋରିମାନା କରିଥିଲେ। ବର୍ତ୍ତମାନ ଯେଉଁ ମାମଲା ରୁଜୁ ହୋଇଛି ତାହାକୁ ମଧ୍ୟ ସମାନ ଭାବେ ଜୋରିମାନା କରାଯାଇ ବିଚାର ପାଇଁ ଗ୍ରହଣ କରିବାକୁ ଆଇନଜୀବୀ ଅଦାଲତଙ୍କୁ ଅନୁରୋଧ କରିଥିଲେ। ଅଦାଲତ ଏହାକୁ ଗ୍ରହଣ କରି ଉପରୋକ୍ତ ନିର୍ଦେଶ ଦେଇଛନ୍ତି।
ଉତ୍କଳ ବିଶ୍ୱବିଦ୍ୟାଳୟ ଉପରେ ଜୋରିମାନା
Popular Categories
Previous article
Next article