ଲକ୍ଷ୍ମୌ..- ଉତ୍ତର ପ୍ରଦେଶରରେ ଉରି’ ଦି ସର୍ଜିକାଲ ଷ୍ଟ୍ରାଇକ୍ ସିନେମାରୁ ଜିଏସ୍ଟି ଆଦାୟ ହେବାନାହିଁ । ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏବିଷୟରେ ଘୋଷଣା କରିଛନ୍ତି । ମଙ୍ଗଳବାରରେ ଯୋଗୀ ଆଦିତ୍ୟନାଥ ଓ ତାଙ୍କର କ୍ୟାବିନେଟ ପ୍ରୟାଗରାଜରେ କ୍ୟାବିନେଟ ବୈଠକ କରିଥିଲେ । ଏହା ଯୋଗୀ ଆଦିତ୍ୟନାଥ ସରକାରଙ୍କର ଲକ୍ଷ୍ମୌ ବାହାରେ ପ୍ରଥମ ବୈଠକ । ଏହାପରେ ଉତ୍ତର ପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ କ୍ୟାବିନେଟ ବୈଠକ ପରେ ଗଙ୍ଗାରେ ବୁଡ ପକାଇଛନ୍ତି । କ୍ୟାବିନେଟ ବୈଠକରେ ଉରି ଦି ସରଜିକାଲ ଷ୍ଟ୍ରାଇକ୍ ସିନେମାରୁ ଜିଏସ୍ଟି ଆଦାୟ କରାଯିବ ନାହିଁ ବୋଲି ନିଷ୍ପତ୍ତି ନିଆଯାଇଛି ।
୨୦୧୬ ମସିହାରେ ଉରି ସେନା ଛାଉଣୀ ଉପରେ ହୋଇଥିବା ଆକ୍ରମଣ ପରେ ପାକିସ୍ତାନ ଅଧିକୃତ କାଶ୍ମୀରରେ ଆତଙ୍କବାଦୀ ଲଞ୍ଚ ପ୍ୟାଡରେ ଭାରତ ପକ୍ଷରୁ ସର୍ଜିକାଲ ଷ୍ଟ୍ରାଇକ୍ କରାଯାଇଥିଲା । ସେହି କାହାଣୀ କୁ ନେଇ ଉରି ସିନେମା ନିର୍ମାଣ କରାଯାଇଛି ।
