ନୂଆଦିଲ୍ଲୀ : କେନ୍ଦ୍ର ଆୟୁଷ ରାଷ୍ଟ୍ର ମନ୍ତ୍ରୀ ଶ୍ରୀପଦ ନାୟକ କରୋନା ପଜିଟିଭ୍ ବୋଲି ଜଣାପଡିଛି। ସେ ନିଜେ ଟ୍ୱିଟର ମାଧ୍ୟମରେ ଏହି ସୂଚନା ଦେଇଛନ୍ତି।
ଶ୍ରୀନାୟକ ଟ୍ୱିଟ୍ କରି କହିଛନ୍ତି, ‘ମୁଁ ଆଜି କରୋନା ପରୀକ୍ଷା କରିସାରିଛି ଏବଂ ଏହାର ରିପୋର୍ଟ ପଜିଟିଭ୍ ହୋଇଛି। ମୋର କୌଣସି ଅସୁବିଧା ନାହିଁ ଏବଂ ତେଣୁ ମୁଁ ଘରେ ଏକାନ୍ତବାସରେ ରହିବାକୁ ନିଷ୍ପତ୍ତି ନେଇଛି | ଯେଉଁମାନେ ଗତ କିଛି ଦିନ ହେବ ମୋ ସଂସ୍ପର୍ଷରେ ଆସିଛନ୍ତି ସେମାନେ ନିଜକୁ ପରୀକ୍ଷା କରି ଆବଶ୍ୟକ ସତର୍କତା ଅବଲମ୍ବନ କରିବାକୁ ପରାମର୍ଶ ଦେଉଛି।’
I underwent Covid-19 test today & it has turned out assymptomaically positive. My vitals are within normal limits and I have opted for home isolation.
Those who have came in contact with me in last few days are advised to get tested for themselves and take required precautions.— Shripad Y. Naik (@shripadynaik) August 12, 2020
ସୂଚନାଯୋଗ୍ୟ, ମୋଦୀ ସରକାରରେ ଶ୍ରୀ ନାୟକ ହେଉଛନ୍ତି ତୃତୀୟ ମନ୍ତ୍ରୀ, ଯିଏକି କରୋନା ପଜିଟିଭ୍ ବୋଲି ଜଣାପଡିଛି। ଏହାପୂର୍ବରୁ କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଏବଂ ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ କରୋନାରେ ସଂକ୍ରମିତ ହୋଇଥିଲେ।
