କଟକ: ଜବାହାରଲାଲ ନେହେରୁ ଇନ୍ଡୋର ଷ୍ଟାଡିୟମରେ ବୁଧବାର ୨୨ତମ ଜାତୀୟ ସବ୍-ଜୁନିଅର ଫେନ୍ସିଂ (ଅସିଚାଳନା) ପ୍ରତିଯୋଗିତା ଉଦଘାଟିତ ହୋଇଛି। ଅପରାହ୍ନରେ ଆୟୋଜିତ ଉଦଘାଟନୀ ଉତ୍ସବରେ କଟକର ଡିସିପି ପ୍ରତୀକ ସିଂ ମୁଖ୍ୟ ଅତିଥି ଭାବେ ପ୍ରତିଯୋଗିତାକୁ ଉଦଘାଟନ କରିଥିଲେ। ଅନ୍ୟମାନଙ୍କ ମଧ୍ୟରେ ସମ୍ମାନିତ ଅତିଥି ଭାବେ ଫୁଟବଲ ଆସୋସିଏସନ୍ ଅଫ୍ ଓଡ଼ିଶା (ଫାଓ) ଓ ଓଡ଼ିଶା ଆଥ୍ଲେଟିକ୍ ଆସୋସିଏସନର ସମ୍ପାଦକ ଆଶୀର୍ବାଦ ବେହେରା, ଭାରତୀୟ ମହାସଂଘର ସମ୍ପାଦକ ବସିର ଅହମ୍ମଦ, ଓଡ଼ିଶା ରାଜ୍ୟ ଫେନ୍ସିଂ ଆସୋସିଏସନ ସମ୍ପାଦକ ଦେବେନ୍ଦ୍ର ସାହୁ, ଉପସଭାପତି ହରିପ୍ରସାଦ ପଟ୍ଟନାୟକ, ୟୁନିଅନ କ୍ଲବ୍ ସମ୍ପାଦକ ରଶ୍ମିରଞ୍ଜନ ସ୍ବାଇଁ ପ୍ରମୁଖ ଉପସ୍ଥିତ ଥିଲେ।
କଟକ ଫେନ୍ସିଂ ଆସୋସିଏସନ ସଭାପତି ରମେଶ ମଲ୍ଲିକ କାର୍ଯ୍ୟକ୍ରମ ପରିଚାଳନା କରିଥିଲେ। ପ୍ରତିଯୋଗିତାରେ ୨୨ ରାଜ୍ୟରୁ ପାଖାପାଖି ୪୫୦ ପ୍ରତିଯୋଗୀ ଅ˚ଶଗ୍ରହଣ କରିଛନ୍ତି। ପ୍ରଥମ ଦିନରେ ବାଳିକା ସବର ରାଉଣ୍ତରେ ତେଲେଙ୍ଗାନାର ଜି. ଶ୍ରୀଜା ୧୫-୧୦ରେ ଦିଲ୍ଲୀର ପ୍ରକୃତି ଶର୍ମାଙ୍କୁ ହରାଇ ସ୍ବର୍ଣ୍ଣପଦକ ଜିତି ପାରିଛନ୍ତି। ଏହି ପ୍ରତିଯୋଗିତା ଶୁକ୍ରବାର ସନ୍ଧ୍ୟାରେ ଉଦଯାପନ ହେବ।
Comments are closed.