ନୂଆଦିଲ୍ଲୀ: ରାଜଧାନୀ ନୂଆଦିଲ୍ଲୀ ଚଳିତବର୍ଷ ଶୀତର ସବୁ ରେକର୍ଡ ଭାଙ୍ଗି ଦେଇଛି। ଏଠାରେ ଅସହ୍ୟ ଥଣ୍ଡା ଲୋକଙ୍କୁ ଅସ୍ତବ୍ୟସ୍ତ କରିଦେଇଥିବାବେଳେ ତାପମାତ୍ରା କ୍ରମାଗତ ଭାବେ ହ୍ରାସ ପାଇବାରେ ଲାଗିଛି। ଶୁକ୍ରବାର ରାତିରେ ଏଠାରେ ତାପମାତ୍ର ୪.୨ ଡିଗ୍ରୀ ରେକର୍ଡ କରାଯାଇଥିବାବେଳେ ଶନିବାର ସକାଳେ ସର୍ବନିମ୍ନ ୧.୭ ଡିଗ୍ରୀରେ ପହଞ୍ଚିଛି। ଦିଲ୍ଲୀର ଲୋଧି ରୋଡ୍ରେ ଏହି ତାପମାତ୍ରା ରେକର୍ଡ କରାଯାଇଛି।
ପାଣିପାଗ ବିଭାଗ ସୂଚନା ଅନୁସାରେ, ଶନିବାର ସକାଳ ସାଢ଼େ ୮ଟାରେ ଦିଲ୍ଲୀର ସଫଦରଜଙ୍ଗ ଏନକ୍ଲେଭରେ ତାପମାତ୍ରା ୨.୪ ଡିଗ୍ରୀରେ ପହଞ୍ଚିଥିଲା। ସେହିପରିପାଲମରେ ୩.୧ ଡିଗ୍ରୀ, ଲୋଧି ରୋଡ୍ରେ ୧.୭ ଡିଗ୍ରୀ ଏବଂ ଆୟା ନଗରରେ ୧.୯ ଡିଗ୍ରୀ ରେକର୍ଡ ହୋଇଛି। ପାଣିପାଗ ବିଭାଗ ପକ୍ଷରୁ କୁହାଯାଇଛି ଯେ, ୧୧୮ ବର୍ଷ ମଧ୍ୟରେ ଏହା ହେଉଛି ୨ୟ ଡିସେମ୍ବର ମାସ, ଯେଉଁ ସମୟରେ ଦିଲ୍ଲୀରେ ଏଭଳି ଥଣ୍ଡା ଅନୁଭୂତ ହେଉଛି। ଏହା ପୂର୍ବରୁ ୧୯୯୭ରେ ଦିଲ୍ଲୀରେ ଏଭଳି ଥଣ୍ଡା ଅନୁଭୂତ ହୋଇଥିଲା। ଗତ ରାତିରେ ରାଜଧାନୀର ତାପମାତ୍ରା କେତେକ ଅଞ୍ଚଳରେ ସର୍ବନିମ୍ନ ତାପମାତ୍ରା ୪.୨ ଡିଗ୍ରୀ ଏବଂ ୩.୬ ଡିଗ୍ରୀ ମଧ୍ୟରେ ରହିଥିଲା।
