ବଲାଙ୍ଗିର : ବଲାଙ୍ଗିର ପ୍ୟାଲେସ ଲାଇନରେ ରହୁଥିବା ରାଜ୍ୟ ସରକାରଙ୍କ ଅର୍ଥ ବିଭାଗର ଜଣେ ବରିଷ୍ଠ ଅଧିକାରୀଙ୍କ ଘର ସମ୍ମୁଖରେ ୬ଟି କଳା ପୁଟୁଳି ପଡିଥିବା ବେଶ ଆଲୋଚନାର ବିଷୟ ହୋଇଛି। ଏ ନେଇ ଟାଉନ ଥାନାକୁ ମାମଲା ଯାଇଥିବା ବେଳେ ପୁଲିସ ଘଟଣାସ୍ଥଳରେ ପହଞ୍ଚି ତନାଘନା ଆରମ୍ଭ କରିଛି। ତେବେ ଏ ସବୁ ଭିତରେ ସିସି ଟିଭି କ୍ୟାମେରାରେ କଏଦ ହୋଇଛି ଜଣେ ତାନ୍ତ୍ରିକଙ୍କ କଳା କାରନାମା। ବିଳମ୍ବିତ ରାତିରେ ତାନ୍ତ୍ରିକ ଏକ ଗେରୁଆ ରଙ୍ଗର ଗାମୁଛା ପିନ୍ଧିଥିବା ବେଳେ ମୁଣ୍ଡରେ ଘୋଡେଇ ହୋଇଛି। ଏପରିକି ମୁହଁରେ ମାକ୍ସ ପିନ୍ଧିଥିବା ସ୍ପଷ୍ଟ ଭାବେ ଦେଖାଯାଉଛି। ଜନୈକ ଅଧିକାରୀଙ୍କ ଘର ବାଟକୁ ଆସି କିଛି ସମୟ ଧରି ପୂଜାର୍ଚ୍ଚନା କରିବା ପରେ ୬ଟି କଳା ପୁଟୁଳି ପିଙ୍ଗି ଦେଇ ଚାଲି ଯାଉଛି।
ସେହି ଅଧିକାରୀଙ୍କ କହିବା ଅନୁସାରେ ଏହା ନୂଆ ନୁହେଁ। ଏହା ପୂର୍ବରୁ ମଧ୍ୟ ଆହୁରି ଦୁଇ ଥର ଏଭଳି କାଣ୍ଡ ଭିଆଇଥିଲା। ସେ ସମୟରେ ରକ୍ତର ଛିଟା ଦିଆଯାଇଥିଲା ବେଳେ ଚୁଡି,ସିନ୍ଦୁର, ଚାଉଳ ପକାଯାଇଥିଲା। ପୂର୍ବରୁ ଏହି ଘଟଣାକୁ ହାଲୁକା ଭାବେ ନେଇଥିଲୁ। କିନ୍ତୁ ଘରେ ୬ ଜଣ ଲୋକ ଆମେ ରହୁଛୁ। ଆଉ ମଙ୍ଗଳବାର ସକାଳୁ ୬ଟି କଳା ରଙ୍ଗର ପୁଟୁଳି ପକେଇବା ବେଶ ଚିନ୍ତାର ବିଷୟ ବୋଲି ସେ କହିଥିଲେ। ଏ ନେଇ ପୁଲିସ ତଦନ୍ତ କରି ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଉକ୍ତ ପରିବାର ଦାବି କରିଛନ୍ତି।
ଅନ୍ୟପକ୍ଷରେ ପୁନି, ଉଆାଁସ ତଥା ଅନ୍ୟ ଦିନ ମାନଙ୍କରେ କିଛି ଲୋକ ଏଭଳି କିଛି କାଣ୍ଡ କାରୁଛନ୍ତି। ସ୍ୱାଧିନତାର ଦୀର୍ଘ ବର୍ଷ ପରେ ମଧ୍ୟ ଏହି ବିଜ୍ଞାନ ଯୁଗରେ କିଛି ଅସାଧୁ ଲୋକେ ଏପରିକି କାର୍ଯ୍ୟ ଲୋକଙ୍କୁ ଭୟଭୀତ କରିବା ପାଇଁ କରୁଛନ୍ତି। ତେଣୁ ରାତି ସମୟରେ ଜିଲା ପୁଲିସ ଏସପି ପ୍ୟାଲେସ ଲାଇନ ତଥା ସହରର ଅନ୍ୟ ଅଞ୍ଚଳରେ ଆହୁରି ସୁରକ୍ଷା ବ୍ୟବସ୍ଥା କଡାକଡି କରିବାକୁ ଲୋକେ ଦାବି କରିଛନ୍ତି।
