ସମାଜ ଡିଜିଟାଲ ଡେସ୍କ: ଟିମ ଇଣ୍ଡିଆର ପ୍ରମୁଖ ବ୍ୟାଟ୍ସମ୍ୟାନ ବିରାଟ କୋହଲି ଏବଂ ରୋହିତ ଶର୍ମା ଟି-୨୦ ଏବଂ ଟେଷ୍ଟ କ୍ରିକେଟରୁ ଅବସର ଘୋଷଣା କରିଛନ୍ତି। ଏହାକୁ ନେଇ ପ୍ରଶଂସକମାନେ ମଧ୍ୟରେ ନିରାଶ ହୋଇପଡ଼ିଛନ୍ତି। ଅନେକ ପ୍ରଶଂସକ ଉଭୟ ଖେଳାଳିଙ୍କୁ ନିଷ୍ପତ୍ତି ପ୍ରତ୍ୟାହାର କରିବା ଲାଗି ଅନୁରୋଧ କରୁଥିବା ଦେଖିବାକୁ ମିଳିଛି। ତେବେ ଏହି ତାଲିକାରେ ଆଶ୍ଚର୍ଯ୍ୟଜନକ ଭାବେ ଯୋଡ଼ି ହୋଇଛନ୍ତି ଆଉଜଣେ ବ୍ୟକ୍ତି। ତେବେ ସେ କୌଣସି ସାଧାରଣ ପ୍ରଶଂସକ ନୁହନ୍ତି, ବରଂ ତାଲିବାନ ନେତା ଅନସ ହକ୍କାନି।
ଶୁଭଙ୍କର ମିଶ୍ରଙ୍କ ପଡକାଷ୍ଟରେ ହକ୍କାନୀ କହିଛନ୍ତି, ରୋହିତଙ୍କ ଅବସର ଯୁକ୍ତିଯୁକ୍ତ। କିନ୍ତୁ କୋହଲିଙ୍କ ନିଷ୍ପତ୍ତିରେ ସେ ସହମତ ନୁହନ୍ତି। ତାଙ୍କ ଅବସର ସମୟ ଆସିନାହିଁ। ଏପରି କି ହକ୍କାନୀ କୋହଲିଙ୍କୁ ୫୦ ବର୍ଷ ପର୍ଯ୍ୟନ୍ତ ଖେଳ ଜାରି ରଖିବାକୁ ଅନୁରୋଧ କରିଥିଲେ।
ହକ୍କାନୀ କହିଛନ୍ତି ଯେ, କୋହଲି ବୋଧହୁଏ ଭାରତୀୟ ଗଣମାଧ୍ୟମର ସମାଲୋଚନା ଚାପରେ ବିରକ୍ତ ହୋଇ ଅବସର ନେଇଛନ୍ତି। କିନ୍ତୁ ତାଙ୍କ ନିକଟରେ ପର୍ଯ୍ୟାପ୍ତ ସମୟ ଥିଲା।
