ସମାଜ ଡିଜିଟାଲ ଡେସ୍କ: ବହୁ ଚର୍ଚ୍ଚିତ ରେଣୁକାସ୍ଵାମୀ ହତ୍ୟା ମାମଲାରେ କନ୍ନଡ଼ ଅଭିନେତା ଦର୍ଶନଙ୍କ ଥୁଗୁଦୀପାଙ୍କ ଜାମିନ ଆବଦେନକୁ ଗୁରୁବାର ସୁପ୍ରିମକୋର୍ଟ ଖାରଜ କରିଦେଇଛନ୍ତି। ଦର୍ଶନଙ୍କ ସମେତ ତାଙ୍କ ବାନ୍ଧବୀ ତଥା ଅଭିନେତ୍ରୀ ପବିତ୍ରା ଗୌଡ଼ା, ଲକ୍ଷ୍ମଣ, ନାଗରାଜ, ପ୍ରଦୋଷ, ଅନୁ କୁମାର ଏବଂ ଜଗଦୀଶଙ୍କ ଜାମିନ ଆବେଦନକୁ ସର୍ବୋଚ୍ଚ ନ୍ୟାୟାଳୟ ଖାରଜ କରିଛନ୍ତି।
ବିଚାରପତି ଜେ.ବି. ପାର୍ଡିଓ୍ବାଲା ଏବଂ ଆର ମହାଦେବନଙ୍କୁ ନେଇ ଗଠିତ ଖଣ୍ଡପୀଠ କର୍ଣ୍ଣାଟକ ହାଇକୋର୍ଟଙ୍କ ରାୟକୁ ଖଣ୍ଡନ କରି ଏହି ନିଷ୍ପତ୍ତି ଶୁଣାଇଛନ୍ତି। ସୂଚନାଯୋଗ୍ୟ, ଏସ. ରେଣୁକାସ୍ଵାମୀ ଦର୍ଶନଙ୍କର ଜଣେ ପ୍ରଶଂସକ ଥିଲେ। ସେ ଦର୍ଶନଙ୍କ ବାନ୍ଧବୀ ପବିତ୍ରାଙ୍କୁ ଅଶ୍ଳୀଳ ଫଟୋ ପଠାଇବାରୁ ଦର୍ଶନ ନିଜର ସହଯୋଗୀମାନଙ୍କ ସହିତ ମିଶି ତାଙ୍କୁ ଅପହରଣ କରି ହତ୍ୟା କରିଥିଲେ। ଏହି ମାମଲାରେ ପୁଲିସ ମୋଟ ୧୭ ଜଣଙ୍କୁ ଗିରଫ କରିଛି।
