କିରାସିନି ଢ଼ାଳି ନିଆଁ ଲଗାଇ ନବବଧୂଙ୍କ ଆତ୍ମହତ୍ୟା

ବଡସାହି: କିରୋସିନି ଢାଳି ନିଆଁ ଲଗାଇ ଜଣେ ନବବଧୂ ଆତ୍ମହତ୍ୟା କରିଛନ୍ତି। ଏପରି ଏକ ଦୁଃଖଦ ଘଟଣା ମୟୂରଭଞ୍ଜ ଜିଲା ବଡ଼ସାହି ଥାନା ଅଧୀନ ହରିପୁର ଗ୍ରାମରେ ଘଟିଛି। ସୋମବାର ସନ୍ଧ୍ୟାରେ ନବବଧୂ ନିଜ ଦେହରେ କିରାସିନି ଢ଼ାଳି ନିଆଁ ଲଗାଇ ଆତ୍ମହତ୍ୟା କରିଛନ୍ତି । ପରିବାର ଲୋକ ପ୍ରଥମେ ବାରିପଦା ଚିକିତ୍ସାଳୟ ନେଇଥିଲେ । ସେଠାରେ ତାଙ୍କ ଶରୀରର ୯୦ ପ୍ରତିଶିତ ଜଳି ଯାଇଥିବାରୁ ଡାକ୍ତର ତାଙ୍କୁ ଟାଟା ମେମୋରିୟାଲ ହସ୍ପିଟାଲକୁ ସ୍ଥାନାନ୍ତରିତ କରିଥିଲେ । ରାସ୍ତାରେ ନେବା ବେଳେ ବିଳମ୍ବିତ ରାତିରେ ତାଙ୍କର ମୃତ୍ୟୁ ଘଟିଥିଲା । ମୃତକ ଜଣଙ୍କ ହେଲେ ଦିଲ୍ଲୀପ ନାଥଙ୍କ ପତ୍ନୀ ପରୀ(୧୮) । ତେବେ ଏହା ଆତ୍ମହତ୍ୟା ବା ଯୋଜନାବଦ୍ଧ ହତ୍ୟାକାଣ୍ଡ ତାହା ସ୍ପଷ୍ଟ ହୋଇନାହିଁ ବୋଲି ପୁଲିସ କହିଛି ।
ସୂଚନାଯୋଗ୍ୟ ଯେ, ପରୀଙ୍କ ବାପ ଘର ପଶ୍ଚିମବଙ୍ଗ ଗୋପୀବଲ୍ଲବପୁର ଅଞ୍ଚଳରେ । ଚଳିତ ବର୍ଷ ଅପ୍ରେଲ ୭ତାରିଖରେ ତାଙ୍କର ବୈଦିକ ରୀତିନୀତିରେ ବିବାହ ହୋଇଥିଲା । ସ୍ବାମୀ ଦିଲ୍ଲୀରେ ମାରୁତି କମ୍ପାନୀରେ କାର୍ୟ୍ୟ କରନ୍ତି । ବିବାହ ପର ଠାରୁ ସେ ଆଉ ଘରକୁ ଆସି ନଥିବା ବେଳେ ପରୀ ଶାଶୁଶଶୁରଙ୍କ ସହିତ ହରିପୁରରେ ରହୁଥିଲେ । ତେବେ ଆତ୍ମହତ୍ୟାର କାରଣ ଜଣା ପଡିନାହିଁ ।