ଭୁବନେଶ୍ବର : ପଶ୍ଚିମ ବଙ୍ଗରୁ ଯାଜପୁର ଜିଲ୍ଲାର କଟିକଟା ଅଞ୍ଚଳକୁ ଫେରିଥିବା ୬ ଜଣ କୋଭିଡ୍ ପଜିଟିଭ୍ ଚିହ୍ନଟ ହୋଇଥିଲେ। ଏହାକୁ ଦୃଷ୍ଟିରେ ରଖି କଟିକଟାକୁ କଣ୍ଟେନ୍ମେଣ୍ଟ ଜୋନ୍ (ସଂକ୍ରମଣ ପ୍ରତିରୋଧ ଅଞ୍ଚଳ) ଭାବେ ଘୋଷଣା କରାଯାଇଥିଲା। ଏହି କଣ୍ଟେନ୍ମେଣ୍ଟ ଜୋନ୍ରେ ବର୍ତ୍ତମାନ ସୁଦ୍ଧା ୨୦୦ ନମୁନା ସଂଗ୍ରହ କରି ପରୀକ୍ଷା କରାଯାଉଛି ଏବଂ ଅନ୍ୟମାନଙ୍କର ନମୁନା ସଂଗ୍ରହ ଜାରି ରହିଛି। ଏହିି କଣ୍ଟେନ୍ମେଣ୍ଟ ଜୋନ୍ରେ ଆଜି ୧୪ଟି ନମୁନା ପଜିଟିଭ୍ ଚିହ୍ନଟ ହୋଇଛି। ଏମାନେ ସମସ୍ତେ ଗୋଟିଏ ନିର୍ଦ୍ଦିଷ୍ଟ କଣ୍ଟେନ୍ମେଣ୍ଟ ଜୋନ୍ର ହୋଇଥିବାରୁ ଜନସାଧାରଣ ଭୟଭୀତ ହେବାର କୌଣସି କାରଣ ନାହିଁ। କିନ୍ତୁ ସଂକ୍ରମଣ ପ୍ରତିରୋଧ ନିମନ୍ତେ ସରକାରଙ୍କ ସମସ୍ତ ନିୟମକୁ ପାଳନ କରିବା ସହ ବାହାର ରାଜ୍ୟରୁ ଓଡ଼ିଶାକୁ ଫେରୁଥିବା ଭାଇଭଉଣୀମାନେ ସେମାନଙ୍କ ପାଇଁ ଉଦ୍ଦିଷ୍ଟ କ୍ୱାରାଣ୍ଟାଇନ୍ ନିୟମକୁ କଡ଼ାକଡ଼ି ଭାବରେ ଅନୁପାଳନ କରିବାକୁ ସରକାରଙ୍କ ପକ୍ଷରୁ ନିବେଦନ କରାଯାଇଛି। ଏହା ପାଳନ କଲେ ଆମେ ନିଜକୁ, ନିଜ ପରିବାର ଓ ଅଞ୍ଚଳକୁ ସଂକ୍ରମଣମୁକ୍ତ ରଖିପାରିବା। ଯେହେତୁ ଲକ୍ ଡାଉନ୍ କୋହଳ ହେବା ପରେ ବହୁସଂଖ୍ୟାରେ ଭାଇଭଉଣୀମାନେ ଓଡ଼ିଶା ଫେରିବେ, ସେଥିପାଇଁ ଜନସାଧାରଣ ଅଧିକ ସତର୍କ ରହିବାର ଆବଶ୍ୟକତା ରହିଛି ବୋଲି ରାଜ୍ୟ ସରକାରଙ୍କ ମୁଖ୍ୟ ମୁଖପାତ୍ର ସୁବ୍ରତ ବାଗ୍ଚୀ ସୂଚନା ଦେଇଛନ୍ତି।
Popular Categories
Previous article
Next article