ସୁଆଣ୍ଡୋ : ନିର୍ମାଣାଧୀନ ସତ୍ୟବାଦୀ ଓଡ଼ିଆ ବିଶ୍ୱବିଦ୍ୟାଳୟ ପରିଦର୍ଶନ କଲେ ବିଜେଡି ସମ୍ପାଦକ ପ୍ରଣବ ଦାସ । ବିଧାୟକ ଉମାକାନ୍ତ ସାମନ୍ତରାୟ ପଞ୍ଚାୟତ ସମିତି ଅଧ୍ୟକ୍ଷ ସୁନିଲ କୁମାର ପଣ୍ଡା ପ୍ରମୁଖଙ୍କ ଗହଣରେ ଶ୍ରୀ ଦାସ ଓଡ଼ିଆ ବିଶ୍ୱବିଦ୍ୟାଳୟ ଓ ସଭା ହେବାକୁ ଥିବା ସ୍ଥାନ ପରିଦର୍ଶନ କରିଥିଲେ । ଆସନ୍ତାକାଲି ୫ଟି ସଚିବ ଭି କେ ପାଣ୍ଡିଆନଙ୍କ ସତ୍ୟବାଦୀ ଗସ୍ତ କାର୍ୟ୍ୟକ୍ରମ ରହିଛି । ଏଥିପାଇଁ ଜିଲା ପ୍ରଶାସନ ଚଳଚଞ୍ଚଳ ରହିଥିବା ଦେଖିବାକୁ ମିଳିଛି । ଜିଲାପାଳ ସମର୍ଥ ବର୍ମା ଓ ଅତିରିକ୍ତ ଜିଲାପାଳ ପ୍ରଦୀପ କୁମାର ସାହୁ ଓ ବିଭିନ୍ନ ଅଧିକାରୀ ଘନଘନ ସତ୍ୟବାଦୀ ଗସ୍ତ କରୁଛନ୍ତି । ୨୫ ହଜାର ଲୋକଙ୍କ ସମାଗମ ହେବାର ସମ୍ଭାବନା ରହିଥିବାରୁ ସାକ୍ଷୀଗୋପାଳ କଲେଜ ପଡିଆରେ ସଭାସ୍ଥଳ ନିର୍ମାଣ କାମ ଶେଷ ପର୍ୟ୍ୟାୟରେ ପହଞ୍ଚି ସାରିଲାଣି । ସଚିବଙ୍କ ଗସ୍ତକୁ ସୁରୁଖୁରୁରେ ସମ୍ପୂର୍ଣ୍ଣ କରିବାକୁ ଜିଲା ଆରକ୍ଷି ବିଭାଗ ପକ୍ଷରୁ ସମସ୍ତ ବ୍ୟବସ୍ଥା କରାଯାଇଛି।
Popular Categories
Previous article
Next article