ବାସୁଦେବପୁର : ବାସୁଦେବପୁର ପଞ୍ଚାୟତ ସମିତି ଅଧିନ ଗୁଆଗଡିଆ ପଞ୍ଚାୟତର ବିଣାପଦାସ୍ଥିତ ନିରାକର ଉଚ୍ଚବିଦ୍ୟାଳୟରେ ଶିକ୍ଷକ ନିଯୁକ୍ତି ଦାବିରେ ସ୍କୁଲ ଆଗରେ ଛାତ୍ରଛାତ୍ରୀ ଧାରଣା ଦେଇଛନ୍ତି । ଆଜି ପୂର୍ବାହ୍ନ ସମୟରେ ବିଦ୍ୟାଳୟର ଛାତ୍ରଛାତ୍ରୀ ଶିକ୍ଷକ ନିଯୁକ୍ତି ଦାବିରେ ଧାରଣା ଦେଇଥିଲେ । ସୂଚନା ଅନୁସାରେ ବିଦ୍ୟାଳୟରେ ସଂସ୍କୃତ ଶିକ୍ଷକ ପଦବୀ ଦୀର୍ଘଦିନ ଧରି ଖାଲି ପଡିଛି । ଏହି ବିଷୟରେ ଗ୍ରାମବାସୀ ଜିଲା ଶିକ୍ଷା ଅଧିକାରୀଙ୍କ ସହିତ ଜିଲାପାଳ , ବ୍ଳକ ଶିକ୍ଷାଧିକାରୀଙ୍କୁ ଲିଖିତ ଭାବରେ ବାରମ୍ବାର ଜଣାଇବା ପରେ କୌଣସି ସୁଫଳ ନମିଳିବାରୁ ଛାତ୍ରଛାତ୍ରୀମାନେ ଆଜି ବାଧ୍ୟ ହୋଇ ବିଦ୍ୟାଳୟ ମୁଖ୍ୟ ଫାଠକରେ ତାଲା ପକାଇ ଧାରଣାରେ ବସିଥିଲେ । ଏନେଇ ବ୍ଲକ ଶିକ୍ଷାଧିକାରୀ ଜଗବନ୍ଧୁ ସାହୁ କୁହନ୍ତି କି, ପଞ୍ଚାୟତ ହାଇସ୍କୁଲ ବିନାୟକପୁର ସଂସ୍କୃତ ଶିକ୍ଷୟତ୍ରୀ ପଦ୍ମାବତୀ ମହନୀଙ୍କୁ ସପ୍ତାହରେ ତିନିଦିନ ସଂସ୍କୃତ ପଢାଇବା ପାଇଁ ନିର୍ଦ୍ଦେଶ ଦିଆଯାଇଛି । ଦୁଇମାସ ଭିତରେ ତିନିଜଣ ଶିକ୍ଷକ ଯୋଗାଇ ଦିଆଯିବ ବୋଲି ସେ କହିଛନ୍ତି ।
Comments are closed.