ଭୁବନେଶ୍ୱର : ଅପ୍ରେଲ ୩୦ ଯାଏ ରାଜ୍ୟରେ ଲକ୍ ଡାଉନ ଜାରି ରହିବ। ରାଜ୍ୟ କ୍ୟାବିନେଟର ଏକ ଗୁରୁତ୍ୱପୂର୍ଣ୍ଣ ବୈଠକରେ ଏହି ନିଷ୍ପତି ନିଆଯାଇଛି। ଅନ୍ୟପକ୍ଷରେ ଜୁନ୍ ୧୭ଯାଏ ରାଜ୍ୟର ସମସ୍ତ ସ୍କୁଲ, କଲେଜ ଓ ଶିକ୍ଷାନୁଷ୍ଠାନ ବନ୍ଦ ରହିବ। ସେହିପରି ଅପ୍ରେଲ ୩୦ ଯାଏ ରାଜ୍ୟକୁ ବିମାନ ଓ ରେଳ ସେବା ସ୍ଥଗିତ ରଖିବାକୁ କେନ୍ଦ୍ରକୁ ଅନୁରୋଧ କରାଯିବ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି।
କ୍ୟାବିନେଟ ବୈଠକ ପରେ ମୁଖ୍ୟମନ୍ତ୍ରୀ ଗଣମାଧ୍ୟମକୁ ଏହି ସୂଚନା ଦେଇଛନ୍ତି। କରୋନା ଭୂତାଣୁର ସଂକ୍ରମଣକୁ ଦୃଷ୍ଟିରେ ରଖି ପ୍ରଥମ ଥର ପାଇଁ ଭିଡିଓ କନଫରେନ୍ସିଂ ମାଧ୍ୟମରେ ଏହି କ୍ୟାବିନେଟ ବୈଠକ ଅନୁଷ୍ଠିତ ଅନୁଷ୍ଠିତ ହୋଇଥିଲା।
ଏଥିପାଇଁ ରାଜ୍ୟରେ ଲକଡାଉନ ଅବଧିକୁ ଏପ୍ରିଲ ୩୦ ଯାଏଁ ବୃଦ୍ଧି ସହ ସ୍କୁଲ, କଲେଜ ଜୁନ ୧୭ ଯାଏଁ ବନ୍ଦ ରହିବ। ଏହି ସମୟରେ ସାମାଜିକ ଦୂରତାକୁ ଗୁରୁତ୍ୱ ଦେଇ କୃଷି ଓ ଗରିବ ଲୋକଙ୍କୁ ରୋଜଗାର ଦେବା ପାଇଁ ମନରେଗା କାର୍ଯ୍ୟ ଚାଲୁ ରହିବ। ଏଥିସହ ରାଜ୍ୟରେ ଖୁବଶୀଘ୍ର ୧ଲକ୍ଷ ତୁରନ୍ତ ଟେଷ୍ଟିଙ୍ଗ ସୁବିଧା ବିକାଶ କରାଯିବ। #OdishaFightsCorona
— Naveen Patnaik (@Naveen_Odisha) April 9, 2020
