ସିମୁଳିଆ: ବାଲେଶ୍ୱର ଜିଲ୍ଲା ମାର୍କୋଣା ରେଳ ଷ୍ଟେସନରେ ଖଡ଼ଗପୁର ଆରପିଏଫର ସ୍ୱତନ୍ତ୍ର ୫ଜଣିଆ ଟିମ ଦ୍ୱାରା ଚଢ଼ାଉ କରାଯାଇ ରେଳ କର୍ମଚାରୀଙ୍କୁ ଗିରଫ କରିଥିବା ଜଣାପଡିଛି । ସୂଚନା ଅନୁଯାୟୀ ମାର୍କୋଣା ରେଳ ଷ୍ଟେସନରେ ବହୁତ ଦିନ ହେଲା ଟିକେଟ କଳାବଜାରୀ ହେଉଥିବା ଅଭିଯୋଗ ହୋଇ ଆସୁଥିଲା । ବିଶେଷ ସୂତ୍ରରୁ ଖବର ପାଇ ଖଡ଼ଗପୁର ରେଳ ସୁରକ୍ଷା ବଳର ସ୍ୱତନ୍ତ୍ର ଟାସ୍କ ଫୋର୍ସ ଅଚାନକ ପହଞ୍ଚି ମାର୍କୋଣା ଟିକେଟ କାଉଣ୍ଟର ଉପରେ ଚଢ଼ାଉ କରିଥିଲେ ।
ଏଥିରେ ସିମୁଳିଆ ବାଟି ଅଞ୍ଚଳର ଜଣେ ମହିଳାଙ୍କ ନିକଟରୁ ରେଳ ଟିକେଟ କ୍ଲର୍କ ବସନ୍ତ ଜେନା ଭଦ୍ରକରୁ ସିକନ୍ଦରାବାଦକୁ ରିଜରଭେସନ ଟିକେଟ କରାଇ ଦେବା ନିମନ୍ତେ ନିର୍ଦ୍ଧାରିତ ମୂଲ୍ୟ ଠାରୁ ଅଧିକ ଟଙ୍କା ନେଉଥିବା ବେଳେ ସ୍ୱତନ୍ତ୍ର ଟାକ୍ସ ଫୋର୍ସ ହାତରେ ଧରା ପଡ଼ିଥିଲେ । ଖଡ଼ଗପୁର ଟାକ୍ସ ଫୋର୍ସ ଟିମର ଇନିସ୍ପେକଟର କମଲେସ ସମଦାର ଅଧିକ ଯାଞ୍ଚ କରିବା ସହ ବସନ୍ତଙ୍କ ନିକଟରୁ ଟିକେଟ, ଟଙ୍କା ଓ ମୋବାଇଲ ଜବତ କରି ବସନ୍ତ କୁମାର ଜେନାଙ୍କୁ ଗିରଫ କରି ବାଲେଶ୍ୱରକୁ ନେଇ ଯାଇଥିବା ଜଣାପଡ଼ିଛି।
Comments are closed.