ଶିମିଳିପାଳରେ ବାଘ ଗଣନା ବେଳେ ଭାଲୁ ଆକ୍ରମଣରେ ୨ ଆହତ

କରଞ୍ଜିଆ: ବାଘ ଗଣନା ସମୟରେ ଭାଲୁ ଆକ୍ରମଣରେ ୨ ଜଣ ଆହତ ହୋଇଛନ୍ତି। ଏଭଳି ଏକ ଅଭାବନୀୟ ଘଟଣା ଘଟିଛି ଉତ୍ତର ଶିମିଳିପାଳ ଚହଲା ରେଞ୍ଜରେ। ଏଠାରେ ୫ ଜଣିଆ ବନ ସୁରକ୍ଷା କର୍ମଚାରୀ ବାଘ ଗଣନା କରୁଥିବା ସମୟରେ ହଠାତ୍‍ ଭାଲୁ ସେମାନଙ୍କୁ ଆକ୍ରମଣ କରିଥିଲା। ୨ ଆହତ କର୍ମୀଙ୍କୁ ମେଡିକାଲରେ ଭର୍ତ୍ତି କରାଯାଇ ଚିକିତ୍ସା କରାଯାଉଛି।
ସୂଚନା ଯୋଗ୍ୟ, ଗତ ୬ ତାରିଖରୁ ଆରମ୍ଭ ହୋଇ ଦୀର୍ଘ ଆଠ ଦିନ ଧରି ଶିମିଳିପାଳରେ ବାଘ ଗଣନା କରାଯାଇ ଆସନ୍ତା ୧୩ ତାରିଖରେ ଏହା ଶେଷ ହେବ। ଶିମିଳିପାଳ ଅଭୟାରଣ୍ୟର ୧୬ ରେଞ୍ଜର ୧୭୩ଟି ସ୍ଥାନରେ ବାଘଗଣନା କରାଯାଉଛି। ବାଘ ଗଣନାରେ ପ୍ରାୟ ୫ ଶହରୁ ଅଧିକ କର୍ମଚାରୀ ସାମିଲ ଅଛନ୍ତି।