କଟକ : ରାଜ୍ୟ ସ୍କାଉଟ୍ସ ଓ ଗାଇଡ୍ସର ରାଜ୍ୟ ପୁରସ୍କାର ଉତ୍ସବ ଶନିବାର ସୂଚନା ଭବନରେ ଅପରାହ୍ଣ ୪ଟା ୩୦ମିନିଟ୍ରେ ଅନୁଷ୍ଠିତ ହେବ। ଏହି ଉତ୍ସବରେ ମୁଖ୍ୟ ଅତିଥିଭାବେ ରାଜ୍ୟପାଳ ପ୍ରଫେସର ଡ. ଗଣେଶୀ ଲାଲ, ରାଜ୍ୟ ସ୍କାଉଟ୍ସ ଓ ଗାଇଡ୍ସର ସଭାପତି ତଥା ଯୋଗାଣ ମନ୍ତ୍ରୀ ଅତନୁସବ୍ୟସାଚୀ ନାୟକ, ସମସ୍ତ ଉପସଭାପତି ଏବଂ ସ୍କାଉଟ୍ସ ଓ ଗାଇଡ୍ସର ସର୍ବଭାରତୀୟ ଉପସଭାପତି ଡ. କାଳୀପ୍ରସାଦ ମିଶ୍ର ଅତିଥିଭାବେ ଯୋଗଦେବାର କାର୍ଯ୍ୟକ୍ରମ ରହିଛି। ପୂର୍ବରୁ ଆସନ୍ତାକାଲି ଏହି ପୁରସ୍କାର ଉତ୍ସବ ରାଜଭବନରେ ଅନୁଷ୍ଠିତ ହେବାକୁ ନିଷ୍ପତ୍ତି ହୋଇଥିଲା। ଅନିର୍ବାଯ୍ୟ କାରଣବଶତଃ ଏହି କାର୍ଯ୍ୟକ୍ରମ ସୂଚନା ଭବନକୁ ସ୍ଥାନାନ୍ତର କରାଯାଇଥିବା ରାଜ୍ୟ ସ୍କାଉଟ୍ସ ଓ ଗାଇଡ୍ସର ଯୁଗ୍ମ ସମ୍ପାଦକ ମିହିରରଞ୍ଜନ ପଟ୍ଟନାୟକ ସୂଚନା ଦେଇଛନ୍ତି। ନିମନ୍ତ୍ରିତ ଅତିଥିଙ୍କ ସମେତ ସମ୍ବର୍ଦ୍ଧିତ ହେବାକୁ ଥିବା କୃତୀ ପ୍ରତିଭାମାନେ ସୂଚନା ଭବନରେ ଉପସ୍ଥିତ ରହିବାକୁ ଶ୍ରୀ ପଟ୍ଟନାୟକ ନିବେଦନ କରିଛନ୍ତି।
Comments are closed.