କଲକାତା .- ପଶ୍ଚିମବଙ୍ଗର ହାଓଡା ନିକଟରେ ଥିବା ସନ୍ତରାଗାଚ୍ଛି ରେଳ ଷ୍ଟେସନରେ ଦଳାଚକଟା ଘଟି ଜଣଙ୍କର ମୃତ୍ୟୁ ହୋଇଥିବାବେଳେ ୧୪ ଜଣ ଆହତ ହୋଇଛନ୍ତି । ସନ୍ଧ୍ୟା ୬ ଟା ସମୟରେ ଏହି ଘଟଣା ଘଟିଛି । ଏକ ସମୟରେ ତିନୋଟି ଟ୍ରେନ ଷ୍ଟେସନ ମଧ୍ୟରେ ପ୍ରବେଶ କରିବାରୁ ଏକ ରେଲ୍ ଫୁଟ୍ ଓଭର୍ ବ୍ରିଜ୍ ଉପରେ ପ୍ରବଳ ଭିଡ ହେବା ସହ ଦଳାଚକଟା ହୋଇଥିଲା ।
ପ୍ଲାଟଫର୍ମ ନମ୍ବର ୨ ଓ ୩ ମଧ୍ୟରେ ଥିବା ଫୁଟ୍ ଓଭର ବ୍ରିଜରେ ଏହି ଘଟଣା ଘଟିଛି । ନାଗରକୋଏଲ୍-ଶାଲିମାର ଏକ୍ସପ୍ରେସ ସହ ଦୁଇଟି ଲୋକାଲ ଟ୍ରେନ ପ୍ଲାଟଫର୍ମ ମଧ୍ୟରେ ପ୍ରବେଶ କରୁଥିବା ବେଳେ ସନ୍ତରାଗାଚ୍ଛି – ଚେନ୍ନଇ ଓ ଶାଲିମାର- ବିଶାଖା ପାଟଣା ଏକ୍ସପ୍ରେସ ଖୁବ୍ ଶୀଘ୍ର ପ୍ଲାଟଫର୍ମ ମଧ୍ୟରେ ପ୍ରବେଶ କରିବାକୁ ଥିବାରୁ ଫୁଟ ଓଭର୍ ବ୍ରିଜ ଉପରେ ଦଳା ଚକଟା ହୋଇଥିବା ସୂଚନା ମିଳିଛି ।