ଦୁବାଇ : ଭାରତୀୟ ମହିଳା ଟେନିସ୍ ଖେଳାଳି ସାନିଆ ମିର୍ଜା କାତାରର ରାଜଧାନୀ ଦୋହାରେ ଆସନ୍ତା ସପ୍ତାହରୁ ଅଭ୍ୟାସ ଆରମ୍ଭ କରିବେ ବୋଲି ଜଣାପଡ଼ିଛି। ୩୩ ବର୍ଷୀୟ ସାନିଆ ମାତୃତ୍ବ ଲାଭ କରିବା ପରେ ଦୀର୍ଘଦିନ ପର୍ଯ୍ୟନ୍ତ ଟେନିସ୍ରୁ ଦୂରେଇ ରହିଥିଲେ। େସ କିଛିଦିନ ତଳେ ଟେନିସ୍ ଜଗତକୁ ଫେରି ହୋବାର୍ଟ ଅନ୍ତର୍ଜାତୀୟ ଟେନିସ୍ ଟୁର୍ଣ୍ଣାମେଣ୍ଟରେ ଡବଲ୍ସ ଟାଇଟଲ୍ ଜିତିଥିଲେ। ତେେବ ଡାହାଣ ଗୋଡ଼ରେ ଆଘାତଜନିତ କାରଣରୁ ସାନିଆ ଅଷ୍ଟ୍ରେଲିଆନ୍ ଓପନ୍ର ପ୍ରଥମ ରାଉଣ୍ଡ ମ୍ୟାଚ୍ ଅଧାରୁ ଓହରି ଯାଇଥିଲେ। ପରବର୍ତ୍ତୀ ସମୟରେ ଦୁବାଇ ଟେନିସ୍ ଚମ୍ପିଆନ୍ସିପର ଡବଲ୍ସ ବିଭାଗର ପ୍ରିକ୍ବାର୍ଟର ଫାଇନାଲରେ ପରାସ୍ତ ହୋଇଥିଲେ।
ସାମ୍ବାଦିକଙ୍କ ସହ ଆଲୋଚନା କାଳରେ ସାନିଆ କହିଥିଲେ ଦୀର୍ଘଦିନ ଟେନିସ୍ ଜଗତରୁ ଦୂରେଇ ରହି ପ୍ରତ୍ୟାବର୍ତ୍ତନ କରିବା ଏତେଟା ସହଜ ନୁହେଁ। ଏପରି ପରିସ୍ଥିତି ଖେଳାଳିଙ୍କ ଶାରୀରିକ ଓ ମାନସିକ ସ୍ଥିତି ଉପରେ ଗଭୀର ପ୍ରଭାବ ପକାଇଥାଏ। ଏଥିସହ ଆଘାତ ହେବାର ଭୟ ମଧ୍ୟ ରହିଥାଏ। ଏସବୁ ବିଷୟକୁ ଦୃଷ୍ଟିରେ ରଖି ପୁନର୍ବାର ଭଲ ପ୍ରଦର୍ଶନ କରିବାକୁ ତାଙ୍କୁ ଅଧିକ ଅଭ୍ୟାସ କରିବାକୁ ପଡ଼ିବ। ଗତ ୫/୬ ସପ୍ତାହ ମଧ୍ୟରେ ସେ ଖୁବ୍କମ୍ ଅଭ୍ୟାସ କରିଥିବାରୁ ନିଜକୁ ଫିଟ୍ ରଖିବାକୁ ଦୋହାରେ ଜୋରଦାର୍ ଅଭ୍ୟାସ କରିବାକୁ ନିଷ୍ପତ୍ତି ନେଇଛନ୍ତି। ଆଉ କିିଛିବର୍ଷ ଅନ୍ତର୍ଜାତୀୟ ସ୍ତରରେ ସେ ଖେଳିବାକୁ ଆଶା ରଖିଥିବା ସାନିଆ ସ୍ପଷ୍ଟ କରି ଦେଇଛନ୍ତି।
ଦୋହାରେ ଅଭ୍ୟାସ କରିବେ ସାନିଆ
Popular Categories
Previous article
Next article