ସାକ୍ଷୀଗୋପାଳ: ପବିତ୍ର ଦୋଳ ପୂର୍ଣ୍ଣିମା ଅବସରରେ ଶ୍ରୀ ଶ୍ରୀ ସାକ୍ଷୀଗୋପାଳ ଠାକୁରଙ୍କ ଚଳନ୍ତି ପ୍ରତିମା ଶ୍ରୀ ଶ୍ରୀ ମଦନମୋହନ ଦେବ ମନ୍ଦିରରୁ ବାହାରି ଦୋଳବିମାନରେ ବିରାଜମାନ କରି ଦୋଳବେଦୀରେ ବିଜେ କରିଥିଲେ । ଏହି ଦୋଳପୂର୍ଣ୍ଣିମା ଅବସରରେ ହଜାର ହଜାର ଶ୍ରଦ୍ଧାଳୁ ପ୍ରଭୁ ସାକ୍ଷୀଗୋପାଳଙ୍କୁ ଦୋଳବେଦୀରେ ଦର୍ଶନ କରିଥିଲେ । ପ୍ରଭୁଙ୍କ ପାଖରେ ଶାକର ଓ ଚଣା ଆଦି ଭୋଗ ଲାଗି କରିଥିଲେ । ପୌରାଣିକ ମତବାଦ ଅନୁସାରେ ଦୋଳବେଦୀ ରେ ଠାକୁରଙ୍କୁ ଦର୍ଶନ କଲେ ପୁନଃଜନ୍ମ ହୁଏନାହିଁ । ନୃସିଂହ ଅବତାରରେ ମହାପ୍ରଭୁ ହୋଲିକା ଅସୁରୁଣୀ ଠାରୁ ଭକ୍ତ ପ୍ରହ୍ଲାଦଙ୍କୁ ରକ୍ଷା କରିଥିବାରୁ ସେହି ଦିନକୁ ହୋଲି ପର୍ବ ରୂପେ ପାଳନ କରାଯାଇଥାଏ । ଏହି ପବିତ୍ର ଦୋଳ ପୁର୍ଣିମାରେ ସମସ୍ତ ଗ୍ରାମର ଦେବାଦେବୀ ମାନେ ଦୋଳବେଦୀରେ ବିଜେ କରି ଭକ୍ତ ମାନଙ୍କୁ ଦର୍ଶନ ଦେଇଥିଲେ ।
Comments are closed.