ନୂଆଦିଲ୍ଲୀ: ରୁଷ ଓ ୟୁକ୍ରେନ ମଧ୍ୟରେ ଲଢ଼େଇ ବଢ଼ିବାରେ ଲାଗିଛି । ଆଜି ସକାଳେ ରୁଷ ୟୁକ୍ରେନ୍ ଉପରେ ଆକ୍ରମଣ କରିଥିବା ବେଳେ, ବର୍ତ୍ତମାନ ୟୁକ୍ରେନ୍ ରୁଷର ୫ଟି ବିମାନକୁ ଖସାଇଛି । ବିବାଦୀୟ ଲୁହାନିସ୍କରେ ପଇଁତରା ମାରୁଥିବା ରୁଷର ୫ଟି ଯୁଦ୍ଧ ବିମାନକୁ ଗୁଳି କରି ୟୁକ୍ରେନ ସେନା ଖସାଇ ଦେଇଛି । ଏନେଇ ଏକ ଜାତୀୟ ଗରମାଧ୍ୟମରେ ରିପୋର୍ଟ ମଧ୍ୟ ପ୍ରକାଶ ପାଇଛି । ରିପୋର୍ଟ ଅନୁସାରେ ୫ଟି ଯୁଦ୍ଧ ବିମାନ ମଧ୍ୟରେ ଗୋଟିଏ ଆଟାକିଂ ହେଲିକପ୍ଟର ମଧ୍ୟ ରହିଛି । ଯାହାକି ୟୁକ୍ରେନକୁ ବଡ଼ ସଫଳତା ବୋଲି କୁହାଯାଇଛି । ସବୁଠାରୁ ବଡ଼ କଥା ହେଉଛି ବର୍ତ୍ତମାନ ୟୁକ୍ରେନର ଏୟାର ଡିଫେନ୍ସ ସିଷ୍ଟମର ଅଚଳ ହୋଇଯାଇଛି । ୟୁକ୍ରେନର ଏୟାର ଡିଫେନ୍ସ ସିଷ୍ଟମର ଅଚଳ ହେବାନେଇ ସୂଚନା ଦେଇଛି ରୁଷର ପ୍ରତିରକ୍ଷା ମନ୍ତ୍ରଣାଳୟ ।
ରୁଷ ପକ୍ଷରୁ ୟୁକ୍ରେନର ସାମରିକ ଭିତ୍ତିଭୂମି ଉପରେ ହମଲା କରାଯାଉଛି । ଅନ୍ୟପଟେ ଏହି ହମଲା ଯୋଗୁ ୟୁକ୍ରେନ୍ରେ ବିମାନ ସେବା ବାଧାପ୍ରାପ୍ତ ହୋଇଛି । ବିମାନ ଚଳାଚଳ ବନ୍ଦ ହେବା ସହ ସାମାରିକ ଭିତ୍ତିଭୂମି, ଏୟାର ଡିଫେନ୍ସ ସିଷ୍ଟମ, ମିଲିଟାରୀ ଏୟାରଫିଲ୍ଡ ଓ ସେନା ବାହିନୀ ବ୍ୟବହାର କରୁଥିବା ବିମାନବନ୍ଦର ଗୁଡ଼ିକୁ ଅଚଳ କରି ଦିଆଯାଇଛି। ଅନ୍ୟପଟେ ରୁଷ ଦାବି କରିଛି କି କୌଣସି ସାରଧାରଣ ଲୋକଙ୍କୁ ଟାର୍ଗେଟ କରୁନାହିଁ ।
