ରବର୍ଟ ଭଦ୍ରାଙ୍କୁ ପୁଣି ଇଡିର ଜେରା

ନୂଆଦିଲ୍ଲୀ : କଂଗ୍ରେସ ସାଧାରଣ ସଚିବ ପ୍ରିୟଙ୍କା ଗାନ୍ଧୀ(ଭଦ୍ରା)ଙ୍କ ସ୍ୱାମୀ ରବର୍ଟ ଭଦ୍ରା ବୁଧବାର ନୂଆଦିଲ୍ଲୀରେ ପୁନର୍ବାର ପ୍ରବର୍ତ୍ତନ ନିର୍ଦ୍ଦେଶାଳୟରେ ହାଜର ହୋଇଥିଲେ । ତାଙ୍କୁ ଜେରା କରିବା ପାଇଁ ଇଡିରେ ହାଜର ହେବାକୁ କୁହାଯାଇଥିଲା । ଲଣ୍ଡନରେ ୧୯ ଲକ୍ଷ ପାଉଣ୍ଡ୍‍ ମୂଲ୍ୟର ସମ୍ପତ୍ତି କିଣିବା ସଂକ୍ରାନ୍ତ କଳାଧନ ମାମଲାରେ ଭଦ୍ରାଙ୍କୁ ଜେରା କରାଯାଉଛି । ଚଳିତ ମାସ ପ୍ରାରମ୍ଭରେ ତାଙ୍କୁ ଏହି ମାମଲାରେ ଜେରା କରାଯାଇଥିଲା। ତଦନ୍ତରେ ସହଯୋଗ କରିବାପାଇଁ ଦିଲ୍ଲୀର ଏକ ଅଦାଲତ ତାଙ୍କୁ ନିର୍ଦ୍ଦେଶ ଦେଇଥିଲେ।