ପୁରୀ : ଶ୍ରୀଜଗନ୍ନାଥ ମହାପ୍ରଭୁଙ୍କ ବିଶ୍ବ ପ୍ରସିଦ୍ଧ ରଥାଯାତ୍ରା ପାଇଁ ଶ୍ରୀକ୍ଷେତ୍ର ପୁରୀ ଚଳଚଞ୍ଚଳ ହୋଇଉଠିଛି । ରଥ,ପଥ ଓ ଭକ୍ତ ସମସ୍ତେ ପ୍ରସ୍ତୁତ । ଅପେକ୍ଷା ଭକ୍ତ ଓ ଭଗବାନଙ୍କ ସେହି ମିଳନ ମୁହୂର୍ତ୍ତକୁ। ଶ୍ରୀକ୍ଷେତ୍ରରେ ଭକ୍ତଙ୍କ ଭିଡ ବୃଦ୍ଧି ପାଇବାରେ ଲାଗିଛି। ତେବେ ରଥ ଯାତ୍ରା ଅବସରରେ ଶ୍ରୀମନ୍ଦିରକୁ ଏଥର ଫୁଲରେ ସୁସଜ୍ଜିତ କରାଯାଇଛି । ଯାହା ଏବେ ଶ୍ରଦ୍ଧାଳୁ ଓ ଭକ୍ତଙ୍କ ପାଇଁ ଆକର୍ଷଣର କେନ୍ଦ୍ରବିନ୍ଦୁ ପାଲଟିଛି । ରଙ୍ଗବେରଙ୍ଗ ଫୁଲ ଶ୍ରୀମନ୍ଦିର ଶୋଭାରେ ଆହୁରି ଚମକ ଆଣି ଦେଇଛି ।
