ଶରୀର ପାଇଁ ତୁଳସୀ ଯେପରି ଏକ ବରଦାନ ଅଟେ ସେହିପରି ପୁଦିନା ମଧ୍ୟ ଉପକାରୀ। ପୁଦିନା ପତ୍ରକୁ ସାଧାରଣତଃ ଆମେ ଚଟଣି ପାଇଁ ବ୍ୟବହାର କରିଥାଉ। ଏହା ପାଟିକୁ ଖୁବ ସ୍ୱାଦିଷ୍ଟ ଲାଗିଥାଏ। ପୁଦିନା ପତ୍ରରେ ଅନେକ ଔଷଧୀୟ ଗୁଣ ରହିଛି। ଏହା ଖାଇବା ଦ୍ୱାରା ଶରୀର ସୁସ୍ଥ ରହିଥାଏ। ଆସନ୍ତୁ ଜାଣିବା ପୁଦିନା ପତ୍ରରେ ଥିବା ଔଷଧୀୟ ଗୁଣ ବିଷୟରେ ..
ଅଳ୍ପ ପୁଦିନା ପତ୍ର ବାଟି ସେଥିରେ ଭଜା ଜିରା, ଲେମ୍ବୁ ରସ ଓ ଲୁଣ ମିଶାନ୍ତୁ। ସେହି ମିଶ୍ରଣକୁ ଏକ ଗ୍ଲାସ ପାଣିରେ ମିଶାଇ ପ୍ରତିଦିନ ସକାଳୁ ଖାଲିପେଟରେ ପିଅନ୍ତୁ। ଏପରି କରିବା ଦ୍ୱାରା ପେଟ ଯନ୍ତ୍ରଣା, ବଦହଜମି, ଆମ୍ବିଳା ହାକୁଟି ଓ କୋଷ୍ଠ କାଠିନ୍ୟ ଜନିତ ସମସ୍ୟା ଦୂର ହୋଇଥାଏ।
ବାରମ୍ବାର ହାକୁଟି ହେଉଥିଲେ କିମ୍ବା ହାକୁଟି ବନ୍ଦ ନ ହେଉଥିଲେ ୧୦-୧୫ଟି ପୁଦିନା ପତ୍ର ଚୋବାଇ ଦିଅନ୍ତୁ। ଏପରି କରିବା ଦ୍ୱାରା କିଛି ସମୟ ମଧ୍ୟରେ ହାକୁଟି ବନ୍ଦ ହୋଇଯିବ।
ପୁଦିନା ପତ୍ର ଖାଦ୍ୟ ହଜମ କରିବାରେ ସାହାର୍ଯ୍ୟ କରିଥାଏ। ପୁଦିନା ପତ୍ରକୁ ଖାଦ୍ୟରେ ବ୍ୟବହାର କରିପାରିବେ କିମ୍ବା ଖାଦ୍ୟ ଖାଇ ସାରିବା ପରେ ୨ରୁ ୩ଟି ପୁଦିନା ପତ୍ର ଚୋବାନ୍ତୁ। ଏପରି କରିବା ଦ୍ୱାରା ଖାଦ୍ୟ ଠିକ ଭାବେ ହଜମ ହୋଇଥାଏ।
ପାଟିରୁ ଦୁଗର୍ନ୍ଧ ବାହାରୁ ଥିଲେ ପୁଦିନା ପତ୍ର ଏକ ଔଷଧ ପରି କାମ ଦେଇଥାଏ। ପ୍ରତିଦିନ ଖାଲିପେଟରେ ସକାଳୁ ୮ରୁ ୧୦ଟି ପୁଦିନା ପତ୍ର ଚୋବାନ୍ତୁ। ଏପରି କରିବା ଦ୍ୱାରା କିଛିଦିନ ମଧ୍ୟରେ ପାଟି ଦୁର୍ଗନ୍ଧରୁ ଉପଶମ ମିଳିବ।
ବାନ୍ତି କମୁ ନଥିଲେ ପୁଦିନା ପତ୍ରକୁ ବାଟି ପିଇବା ଦ୍ୱାରା ଏଥିରୁ ଉପଶମ ମିଳିଥାଏ।
ପେଟ ଯନ୍ତ୍ରଣା ହେଉଥିଲେ ପୁଦିନା ପତ୍ର ସହ ଜିରା, ଗୋଲମରିଚ ଓ ହେଙ୍ଗୁ ମିଶାଇ ବାଟି ପିଇବା ଦ୍ୱାରା ଆଶ୍ୱସ୍ତି ମିଳିଥାଏ।
ଖରାଦିନେ ମୁହଁ ଓ ଶରୀର ଜଳାପୋଡା ହେଉଥିଲେ ପୁଦିନା ପତ୍ରକୁ ବାଟି ସେହି ସ୍ଥାନରେ ଲଗାଇ ଦିଅନ୍ତୁ। କିଛି ସମୟ ମଧ୍ୟରେ ଏଥିରୁ ରକ୍ଷା ମିଳିବ।
ଶରୀର ପାଇଁ ଉପକାରୀ ପୁଦିନା ପତ୍ର
Popular Categories
Previous article
Next article