ସିଲବାସା : ବିରୋଧୀଙ୍କ ମହାମେଣ୍ଟ କେବଳ ମୋଦୀ ବିରୁଦ୍ଧରେ ନୁହେଁ, ଏହା ମଧ୍ୟ ଦେଶର ସାଧାରଣ ଜନତାଙ୍କ ବିରୁଦ୍ଧରେ । କିଛି ଲୋକ ନିଜକୁ ବଞ୍ଚାଇବା ପାଇଁ ଯେ କୌଣସି ସାହାରା ଖୋଜିଥାନ୍ତି। ସେହି ଧାରାରେ ମହାମେଣ୍ଟ ଗଠନ କରି ସେମାନେ ନିଜକୁ ବଞ୍ଚାଇବାର ଉଦ୍ୟମ କରୁଛନ୍ତି ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ।
ଦାଦ୍ରାନଗର ହାବେଳି ରାଜଧାନୀ ସିଲବାସାରେ ଏକ ମେଡ଼ିକାଲ କଲେଜର ଭିତ୍ତିପ୍ରସ୍ତର ସ୍ଥାପନ କରିବା ଅବସରରେ ପ୍ରଧାନମନ୍ତ୍ରୀ ଏହା କହିଛନ୍ତି।
କଲକାତାରେ ଶନିବାର ପଶ୍ଚିମ ବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ନେତୃତ୍ୱରେ ଆୟୋଜିତ ମହା ରାଲିରେ ବିରୋଧୀ ଦଳର ନେତାମାନେ ମୋଦୀ ସରକାର ବିରୁଦ୍ଧରେ ବର୍ଷିଛନ୍ତି । ଠିକ୍ ସେତିକିବେଳେ ସିଲବାସାରେ ପ୍ରଧାନମନ୍ତ୍ରୀ ବିରୋଧୀଙ୍କୁ କଡା ଜବାବ ଦେଇ କହିଛନ୍ତି। ଏକ ଜନସଭାରେ ଉଦବୋଦନ ଦେଇ ଦେ କହିଛନ୍ତି ପଶ୍ଚିମ ବଙ୍ଗରେ ଭାଜପାର କେବଳ ଜଣେ ମାତ୍ର ବିଧାୟକ ଅଛନ୍ତି। କିନ୍ତୁ ସେଠାରେ ଭାଜପା ବିରୁଦ୍ଧରେ ଦେଶର ସମସ୍ତ ଦଳ ଏକାଠି ହୋଇଛନ୍ତି। ଆମେ ସତ୍ୟ ପଥରେ ଚାଲୁଥିବା ଲୋକ ସେଥିପାଇଁ ଆମର ଜଣେ ମାତ୍ର ବିଧାୟକଙ୍କୁ ଏମାନେ ସମସ୍ତେ ଭୟ କରୁୁଛନ୍ତି ବୋଲି ମୋଦୀ କହିଛନ୍ତି।
ଯେଉଁମାନେ ଦେଶର ସାଧାରଣ ଜନତାଙ୍କ ଅର୍ଥ ଲୁଟ୍ କରୁଥିଲେ, ସେମାନଙ୍କୁ ସେଥିରୁ ରୋକା ଯିବାରୁ ମହାମେଣ୍ଟ ଗଠନ କରି ମୋଦୀ ବିରୁଦ୍ଧରେ ପ୍ରଚାର ଚଳାଇଛନ୍ତି ବୋଲି ପ୍ରଧାନମନ୍ତ୍ରୀ କହିଛନ୍ତି। ଆମେ ନାମ ବଦଳରେ କାମ କରିଚାଲିଛୁ, ଆମର ଲକ୍ଷ୍ୟ ଏବଂ ଉଦ୍ଦେଶ୍ୟ ସ୍ପଷ୍ଟ ଯାହା ଦେଶର ବିକାଶ ପାଇଁ ଉଦ୍ଧିଷ୍ଟ। ଦେଶରେ ଯେତେଗୁଡିଏ ଯୋଜନା କାର୍ଯ୍ୟକାରୀ କରାଯାଉଛି ତାହାର ମୂଳ ଲକ୍ଷ୍ୟ ହେଉଛି ‘ସମସ୍ତଙ୍କର ସହିତ-ସମସ୍ତଙ୍କର ବିକାଶ’, ଏହା କୌଣସି ପରିବାର ନୁହେଁ । ଯେଉଁ ଦଳ ଦଶକ ଦଶକ ଧରି ଦେଶରେ ଶାସନ କରିଛି ସେମାନେ ପ୍ରତ୍ୟେକ ଯୋଜନାରେ ନିଜ ପରିବାରର ସମ୍ଭାବନାକୁ ଦେଖୁଥିଲେ ବୋଲି ପ୍ରଧାନମନ୍ତ୍ରୀ ଅଭିଯୋଗ କରିଛନ୍ତି।
ଅନ୍ୟପକ୍ଷରେ ସୟଲିଠାରେ ନିର୍ମାଣ ହେବାକୁ ଥିବା ମେଡ଼ିକାଲ କଲେଜ ଦାଦ୍ରାନଗର ହାବେଳି, ଡାମନ ଓ ଡିୟୁ ଏବଂ ଆଖପାଖ ଅଞ୍ଚଳରେ ତ୍ରିସ୍ତରୀୟ ଚିକିତ୍ସା ସୁବିଧା ପ୍ରଦାନ କରିବ। ଏହି ଅବସରରେ ପ୍ରଧାନମନ୍ତ୍ରୀ ଏମ୍. ଆରୋଗ୍ୟ ଆପ୍, ପ୍ରତ୍ୟେକ ଘରୁ ବର୍ଜ୍ୟବସ୍ତୁ ସଂଗ୍ରହ, କଠିନ ବର୍ଜ୍ୟବସ୍ତୁର ଡିଜିଟାଲ ପ୍ରକ୍ରିୟାକରଣ ଆଦି କାର୍ଯ୍ୟକ୍ରମର ଶୁଭାରମ୍ଭ କରିଛନ୍ତି।
ବିରୋଧୀଙ୍କ ମହାମେଣ୍ଟ ମୋଦୀ ବିରୁଦ୍ଧରେ ନୁହେଁ, ଦେଶର ଜନତାଙ୍କ ବିରୁଦ୍ଧରେ : ପ୍ରଧାନମନ୍ତ୍ରୀ
Popular Categories
Previous article
Next article