ଫୁଲବାଣୀ: ଦେଶରେ ଜାତିଗତ ଜନଗଣନା ପାଇଁ ଘୋଷଣା କରିଛନ୍ତି କେନ୍ଦ୍ର ସରକାର। ଏହି ପରିପ୍ରେକ୍ଷୀରେ ରବିବାର ବିରୋଧୀ ଦଳ ନେତା ରାହୁଲ ଗାନ୍ଧୀଙ୍କୁ କୃତଜ୍ଞତା ଜଣାଇଛି କନ୍ଧମାଳ ଜିଲ୍ଲା କଂଗ୍ରେସ। ସ୍ଥାନୀୟ ଜିଲ୍ଲା କଂଗ୍ରେସ କାର୍ଯ୍ୟାଳୟରେ ଆୟୋଜିତ ଏକ କାର୍ଯ୍ୟକ୍ରମରେ ରାହୁଲଙ୍କ ଫଟୋଚିତ୍ରରେ କ୍ଷୀର ଢାଳି ଅଭିଷେକ କରିଥିଲେ ଦଳୀୟ ନେତା। ରାହୁଲଙ୍କ ବଳିଷ୍ଠ ଯୁକ୍ତି ଏବଂ ଲଗାତର ଉଦ୍ୟମ ଯୋଗୁଁଁ ବିଜେପି ସରକାର ଏହି ନିଷ୍ପତ୍ତି ନେବାକୁ ବାଧ୍ୟ ହୋଇଛି ବୋଲି କହିଛନ୍ତି କଂଗ୍ରେସ ନେତା। କଂଗ୍ରେସ ଦଳ ସବୁବେଳେ ଦଳିତ ଓ ପଛୁଆ ବର୍ଗ ପାଇଁ ସଂଗ୍ରାମ କରି ଆସିଛି ଏବଂ ଜାତିଗତ ଜନଗଣନା ତା’ର ଏକ ବଳିଷ୍ଠ ଦୃଷ୍ଟାନ୍ତ ବୋଲି ଦଳ କହିଛି। ଜିଲ୍ଲା ସଭାପତି ଚନ୍ଦ୍ର ଶେଖର ପରିଡାଙ୍କ ନେତୃତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ପୂର୍ବତନ ବିଧାୟକ ଅଭିମନ୍ୟୁ ବେହେରା, ପୂର୍ବତନ ନଗର କଂଗ୍ରେସ ସଭାପତି ଶିବଶଙ୍କର ବେହେରା, ବରିଷ୍ଠ ନେତା ଘନକୁମାର ଶବର, ହେମନ୍ତ କର, ରଜତ ମହାନ୍ତି, ସଂସାର ଭୋଇ, ଗୌରଚରଣ ବେହେରା, ଯୁବ ନେତା ଅନୁପମ କହଁର, ସଞ୍ଜୟ କହଁର ପ୍ରମୁଖ ଉପସ୍ଥିତ ଥିଲେ।
Popular Categories
Previous article
Next article