ରଣପୁରଗଡ: ପୁଲିସ ପାରିଲାନି। ଶେଷରେ ନାବାଳିକା ଅପହରଣକାରୀଙ୍କୁ ଧରିଲେ ଲୋକେ। ଏହା ପରେ ଲୋକମାନେ ଅଭିଯୁକ୍ତ ଯୁବକକୁ ପୁଲିସ ଜିମା ଦେଇଛନ୍ତି। ଟାଙ୍ଗୀ ଥାନା ଅଞ୍ଚଳରେ ଶନିବାର ଏହି ଘଟଣା ଘଟିଛି।
ଘଟଣାରୁ ପ୍ରକାଶ ଯେ, ନୟାଗଡ଼ ଜିଲ୍ଲା ରଣପୁର ଥାନା ଲତାର ଗ୍ରାମର ବିବାହିତ ଯୁବକ ରାକେଶ ବେହେରା ସ୍ଥାନୀୟ ଜଣେ ଅଷ୍ଟମ ଶ୍ରେଣୀ ଛାତ୍ରୀଙ୍କୁ ଗତ ସେପ୍ଟେମ୍ବର ମାସରୁ ବିଦ୍ୟାଳୟରୁ ଅପହରଣ କରି ନେଇଥିଲା। ଏ ନେଇ ନାବାଳିକା ପରିବାର ତରଫରୁ ରଣପୁର ଥାନାରେ ଅଭିଯୋଗ ହୋଇଥିଲା। ପୁଲିସ ଏକ ମାମଲା ରୁଜୁ କରି ଖେ।ଜୁଥିଲା। କିନ୍ତୁ ଅଭିଯୁକ୍ତ କି ନାବାଳିକାଙ୍କ ଟେର ପାଇପାରି ନ ଥିଲା। ନାବାଳିକା ମାମୁ ଘର ଲୋକ ସନ୍ଧାନ ନେଉଥିବା ବେଳେ ଖବର ମିଳିଥିଲା ଯେ ରାକେଶ ଏକ ମୋଟର ସାଇକେଲ ଯେ।ଗେ ନାବାଳିକାକୁ ନେଇ ଖେ।ର୍ଦ୍ଧା ଜିଲ୍ଲା ଟାଙ୍ଗୀ ପଟକୁ ଯାଉଛି। ତେଣୁ ଟାଙ୍ଗୀ ବସଷ୍ଟାଣ୍ଡରେ ବୁଲୁଥିବା କିଛି ଯୁବକ ଖବର ପାଇ ରାକେଶକୁ ଅଟକାଇ ବିଦ୍ୟୁତ ଖୁଣ୍ଟରେ ବାନ୍ଧି ଟାଙ୍ଗୀ ପୁଲିସକୁ ଖବର ଦେଇଥିଲେ। ଟାଙ୍ଗୀ ପୁଲିସ ରଣପୁର ପୁଲିସକୁ ଅଭିଯୁକ୍ତକୁ ହସ୍ତାନ୍ତର କରିବା ପ୍ରକ୍ରିୟା ଚାଲିଥିବା ଜଣାପଡିଛି। ଅପରପକ୍ଷେ ନାବାଳିକାକୁ ତାଙ୍କ ମା’ ଆଣି ଚାନ୍ଦପୁର ଥାନାରେ ରଖିଥିବା ଜଣାପଡିଛି।
