ପାଟଣା: ସଶସ୍ତ୍ର ସେନା ଚିକିତ୍ସାଳୟ ପୁନେର ସମାବର୍ତନ ଉତ୍ସବ ଅନୁଷ୍ଠିତ ହୋଇଛି। ଡି-୩ ବ୍ୟାଚର ୧୦୨ ପୁଅ ଓ ୨୫ ଜଣ ଝିଅ ଏଠାରୁ ନିଜର ଏମବିବିଏସ୍ ଡିଗ୍ରୀ ପ୍ରାପ୍ତ କରିଛନ୍ତି। ଦେଶର ଏକମାତ୍ର ସଶସ୍ତ୍ର ସେନା ଚିକିତ୍ସାଳୟ ପୁନେରେ ରହିଛି। ଉକ୍ତ ମହାବିଦ୍ୟାଳୟର ଛାତ୍ରୀ ଅମଳିନା ପ୍ରିୟଦର୍ଶିନୀ ଚଳିତ ବର୍ଷ ଶ୍ରେଷ୍ଠ ସ୍ନାତକ ଘୋଷିତ ହୋଇ ପାଟଣା ନିର୍ବାଚନ ମଣ୍ଡଳୀର ଗୌରବ ବୃଦ୍ଧି କରିଛନ୍ତି। ଏହି ମହାବିଦ୍ୟାଳୟର ଅଧିନାୟିକା ଦାୟିତ୍ୱ ତୁଲାଇଥିବା ସାହାରପଡା ବ୍ଲକ ଗଦଗଦି ଗ୍ରାମର ଅବସରପ୍ରାପ୍ତ ପ୍ରଧାନଶିକ୍ଷକ ଡମ୍ବରୁଧର ମହାନ୍ତ ଓ ଜଗବନ୍ଧୁ ମହାନ୍ତଙ୍କ ଜ୍ୟୋଷ୍ଠା ନାତୁଣୀ ହୋଇଥିବା ଅମଳିନାଙ୍କ ପିତା ଡମ୍ବରୁଧର ଅମରେଶ ବାୟୁସେନାର ଗ୍ରୁପ କ୍ୟାପଟେନ ଅଛନ୍ତି।
ଅମଳିନା ଗତ ୨୦୨୦ ଜୁନରେ ନିଜ ମାତା ଗୀତାଞ୍ଜଳୀଙ୍କୁ ଏକ ଦୁର୍ଘଟଣାରେ ହରାଇଥିବା ବେଳେ ନିଜେ ଗୁରୁତର ଚିକିତ୍ସା ପରେ ନିଜର ଅଧ୍ୟବସାୟ ଜାରି ରଖିଥିଲେ। ପୁରସ୍କାର ଆକାରରେ ସେ ମହାମହିମ ରାଷ୍ଟ୍ରପତିଙ୍କ ସ୍ୱର୍ଣ୍ଣପଦକ, କଳିଙ୍ଗ ଟ୍ରଫି, ସେନା ସ୍ୱର୍ଣ୍ଣ ପଦକ, ମେଡିସିନ ସ୍ୱର୍ଣ୍ଣପଦକ ଆଦି ପ୍ରାପ୍ତ ହେବା ସମଗ୍ର କେନ୍ଦୁଝର ଜିଲା ପାଇଁ ଗୌରବ ଆଣିଦେଇଛି।
Comments are closed.