ନୂଆଦିଲ୍ଲୀ: ଭାରତ ସହ ସମ୍ପର୍କ ତିକ୍ତତା କରିବ ନାହିଁ ତାଲିବାନ । ପାକିସ୍ତାନର ଜାତୀୟ ସୁରକ୍ଷା ପରାମର୍ଶଦାତା ମୋଇଦ ୟେସୁଫଙ୍କୁ ଏନେଇ ଏକ ବାର୍ତ୍ତା ଦେଇଛି ତାଲିବାନ । ଆଫଗାନିସ୍ତାନରେ ତାଲିବାନ ସରକାର ଗଠନ କରିଛି । ଆଫଗାନିସ୍ତାନକୁ ପାକିସ୍ତାନର ଜାତୀୟ ସୁରକ୍ଷା ପରାମର୍ଶଦାତା ଗସ୍ତ ସମୟରେ ଏମତି କହିଛି ତାଲିବାନ । ତାଲିବାନ ପାକିସ୍ତାନକୁ କହିଛି ଯେ, ଭାରତ ସମେତ ଅନ୍ୟ କିଛି ଦେଶ ସହ ଭଲ ସମ୍ପର୍କ ସ୍ଥାପନ କରିବାକୁ ଚାହୁଁଛି ତାଲିବାନ । ଗୋଟିଏ ଦେଶର ଅନୁରୋଧ କ୍ରମେ ଅନ୍ୟ ଦେଶ ସହ ସମ୍ପର୍କକୁ ତାଲିବାନ ନଷ୍ଟ କରିବ ନାହିଁ ।
ପୂର୍ବରୁ ପାକିସ୍ତାନ ଭାରତ ବିରୋଧରେ ଭିତ୍ତିହୀନ ଅଭିଯୋଗ ଆଣିଥିଲା । ଆଫଗାନିସ୍ତାନ ଗସ୍ତ ପୂର୍ବରୁ ପାକିସ୍ତାନରେ ଟିଟିପି ପ୍ରଚାର ପାଇଁ କିଛି ଅଭିଯୋଗ ଆଣିଥିବା ନଜିର ଆସିଥିଲା । ଏନେଇ ତାଲିବାନ ସରକାରଙ୍କ ମୁଖପାତ୍ର ଜାବୁଲ୍ଲା ମୁଜାହିଦ୍ ତାଙ୍କର ପ୍ରତିକିୟା ରଖିଛନ୍ତି । ସେ କହିଛନ୍ତି ଉଭୟ ପାକିସ୍ତାନ ଏବଂ ଭାରତ ସହ ଭଲ ସମ୍ପର୍କ ସ୍ଥାପନ କରିବାକୁ ଚାହୁଁଛନ୍ତି। ପଡୋଶୀ ଦେଶ ସହ ସମ୍ପର୍କ ସୁଦୃଢ଼ କରିବାକୁ ଚାହୁଁଛି ତାଲିବାନ । ଖାଲି ସେତିକି ନୁହେଁ ମୁଜାହିଦ୍ ଆହୁରି ମଧ୍ୟ କହିଛନ୍ତି ପାକିସ୍ତାନ ଅନ୍ୟ ଦେଶ ମାନଙ୍କ ସହ ଭଲ ସମ୍ପର୍କ ରଖିବାକୁ ଅନୁରୋଧ କରିଛୁ । ତାଲିବାନ ଆଫଗାନିସ୍ତାନରେ ସରକାର ଗଢ଼ିବା ପରେ ବି ଆଫଗାନିସ୍ତାନବାସୀଙ୍କୁ ଭାରତ ତାର ସମସ୍ତ ସାହାଯ୍ୟ କରୁଛି । ହଜାର ହଜାର ଟନ୍ ଗହମ ପଠାଇବା ସହ କାବୁଲର ଡାକ୍ତର ଖାନାକୁ ଔଷଧ ପଠାଉଛି ଭାରତ । ୨୦୨୨ ବର୍ଷ ପାଇଁ ବଜେଟରେ ଭାରତ ଆଫଗାନିସ୍ତାନ ପାଇଁ ୨୦୦ କୋଟି ବ୍ୟବସ୍ଥା କରିଛି।
