ପାକିସ୍ତାନ : ପାକିସ୍ତାନରେ ପରିସ୍ଥିତି ଧିରେ ଧିରେ ଜଟିଳ ଅବସ୍ଥାକୁ ଗତି କରୁଥିବା ଦେଖାଯାଉଛି । ଆର୍ଥିକ ସଙ୍କଟ ଦେଇ ଗତି କରୁଥିବା ପାକିସ୍ତାନରେ ମହଙ୍ଗା ମାଡ ରେକର୍ଡ ଭାଙ୍ଗୁଛି । ବଢୁଥିବା ଜିନିଷର ମୂଲ୍ୟ ମଧ୍ୟରେ ଦେଶର ଜନତାଙ୍କୁ ଏକ ବଡ ଝଟକା ପୁଣି ମିଳିଛି । ବନସ୍ପତି ଘିଅ ଓ ଖାଇବା ତେଲର ମୂଲ୍ୟ ୨୦୮ ଟଙ୍କା ଓ ୨୧୩ ଟଙ୍କା ବୃଦ୍ଧି ହୋଇଛି ।
ମହଙ୍ଗା ମାଡର ଏହା ବଡ ଝଟକା । କାରଣ ପୂର୍ବରୁ ହିଁ ସାଧାରଣ ଲୋକେ ଆର୍ଥିକ ସଙ୍କଟ ଦେଇ ଗତି କରୁଛନ୍ତି । ୟୁଏସସି ତେଲ ଓ ଘିଅ ଦାମ୍ର ବୃଦ୍ଧି ନେଇ ସ୍ପଷ୍ଟ କରିଛି । ବର୍ତ୍ତମାନ ତେଲର ଦାମ୍ ୫୫୫ ଟଙ୍କା ପ୍ରତି ଲିଟର ଓ ବନସ୍ପତି ଘିଅ ୬୦୫ ଟଙ୍କା ପ୍ରତି କିଲୋରେ ମିଳିବ ।
ଘିଅ ଓ ଖାଇବା ତେଲର ଦାମ୍ ବୃଦ୍ଧି ନେଇ ଜୁନ୍ ୧ରେ ୟୁଏସସି ଏକ ବିଜ୍ଞପ୍ତି ଜାରି କରିଥିଲା । ନିଗମ ଅଧିକାରୀ ପାକିସ୍ତାନ ଗଣମାଧ୍ୟମକୁ ଏହି ସୂଚନା ଦେଇଛନ୍ତି । ମାତ୍ର ମୂଲ୍ୟ ବୃଦ୍ଧିର କୌଣସି କାରଣ ଉଲ୍ଲେଖ କରାଯାଇ ନାହିଁ । ଘିଅ ଓ ଖାଇବା ତେଲର ଦାମ୍ ମୂଲ୍ୟ ଖୁବ ଶ୍ରୀଘ ୟୁଏସସି ଦ୍ୱାରା ସ୍ଥିର କରାଯିବ ।
ପାକିସ୍ତାନରେ ରେକର୍ଡ ଭାଙ୍ଗୁଛି ତୈଳ ଓ ଘିଅ ଦର
Popular Categories
Previous article
Next article