ଭୁବନେଶ୍ୱର: ରାଜ୍ୟରେ ଦିନକୁ ଦିନ ତାତି ବୃଦ୍ଧି ପାଇବାରେ ଲାଗିଛି। ରାଜ୍ୟର ସର୍ବୋଚ୍ଚ ତାପମାତ୍ରା ୪୦ ଡିଗ୍ରୀ ଅତିକ୍ରମ କରିଛି। ଆଜି ବଲାଙ୍ଗୀର ରାଜ୍ୟର ସବୁଠାରୁ ଉତ୍ତପ୍ତ ସହର ରହିଥିବା ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ର ସୂଚନା ଦେଇଛି। ଏହା ଛଡା ଅନ୍ୟ ୨ଟି ସହରରେ ମଧ୍ୟ ଦିନ ତାପମାତ୍ରା ୪୦ ଡ଼ିଗ୍ରୀ ଛୁଇଁଛି। ଟିଟିଲାଗଡ଼ରେ ଆଜି ଦିନ ତାପମାତ୍ରା ୪୦.୨ ଡିଗ୍ରୀ ଏବଂ ଅନୁଗୁଳରେ ୪୦.୦ ଡ଼ିଗ୍ରୀ ରେକର୍ଡ କରାଯାଇଛି।
ଆଜି ୫ଟି ସହରରେ ୩୯ ଡ଼ିଗ୍ରୀ କିମ୍ବା ତା ଠାରୁ ଅଧିକ ଦିନ ତାପମାତ୍ରା ରେକର୍ଡ କରାଯାଇଛି। ବାରିପଦାରେ ୩୯.୪, ଝାରସୁଗୁଡାରେ ୩୯.୬, ସମ୍ବଲପୁରରେ ୩୯.୦, ସୋନପୁରରେ ୩୯.୦ ଏବଂ ବୌଦ୍ଧରେ ୩୯.୦ ଡିଗ୍ରୀ ତାପମାତ୍ରା ରହିଛି। ଅନ୍ୟ ସହରଗୁଡିକ ମଧ୍ୟରେ ଭବାନୀପାଟଣାରେ ୩୮.୫, ଭଦ୍ରକ ଓ ଯାଜପୁରରେ ୩୮.୨ ଡିଗ୍ରୀ, ହୀରାକୁଦରେ ୩୮.୧, ତାଳଚେରରେ ୩୮, ସୁନ୍ଦରଗଡ଼ରେ ୩୮, କଟକରେ ୩୮, ଫୁଲବାଣୀରେ ୩୭.୮, ଭୁବନେଶ୍ୱରରେ ୩୭.୬, ଚାନ୍ଦବାଲିରେ ୩୭.୫, କେନ୍ଦୁଝରଗଡ଼ରେ ୩୬.୬, ମାଲକାନଗିରିରେ ୩୬.୫, କୋରାପୁଟରେ ୩୬.୦, ବାଲେଶ୍ୱରରେ ୩୫, ପାରଳାଖେମୁଣ୍ଡିରେ ୩୫, ଦାରିଂବାଡ଼ିରେ ୩୪.୫, ଛତ୍ରପୁରରେ ୩୪, ପୁରୀରେ ୩୩, ପାରାଦୀପରେ ୩୨.୬, ଗୋପାଳପୁରରେ ଏବଂ ୩୨.୧, ତାପମାତ୍ରା ରହିଛି।
