ଗଞ୍ଜାମ : ଜାତୀୟ ରାଜପଥ ୧୬ରେ ହୁମ୍ମା ଫାଣ୍ଡି ସାମ୍ନାରେ ମଙ୍ଗଳବାର ସନ୍ଧ୍ୟାରେ ଏକ ଗାଡ଼ି ଧକ୍କାରେ ଜଣେ ମହିଳାଙ୍କ ମୃତ୍ୟୁ ହୋଇଥିବାବେଳେ ଅନ୍ୟ ଜଣେ ମହିଳା ଗୁରୁତର ଆହତ ହୋଇଛନ୍ତି । ମୃତକ ମହିଳା ହେଲେ କୈବ୍ରତ ସାହିର ବି.ମାଳତୀ ପ୍ରଧାନ । ଗୁରୁତର ମହିଳା ଜଣଙ୍କ ହେଲେ କେ.ଯମୁନା ପ୍ରଧାନ । ସ୍ଥାନୀୟ ଲୋକେ ଗୁରୁତର ମହିଳାଙ୍କୁ ଉଦ୍ଧାର କରି ଆମ୍ବୁଲାନ୍ସ ଯୋଗେ ବ୍ରହ୍ମପୁର ମେଡ଼ିକାଲକୁ ପଠାଇଥିବା ଜଣାପଡିଛି। ଘଟଣାସ୍ଥଳରେ ହୁମ୍ମା ଫାଣ୍ଡି ଅଧିକାରୀ ତଦନ୍ତ ଆରମ୍ଭ କରିବା ସହ ମୃତ ମହିଳାଙ୍କୁ ଶବ ବ୍ୟବଚ୍ଛେଦ ପାଇଁ ଛତ୍ରପୁର ପଠାଇଥିବା ଜଣାପଡିଛି । ଦୀର୍ଘ ଦିନ ହେଲା ଓଭର ବ୍ରିଜ ନିର୍ମାଣ ହେଉନଥିବା ଯୋଗୁଁ ଗୋଟିଏ ରାସ୍ତାରେ ଉଭୟ ପଟୁ ଯାନବାହାନ ଯାତାୟାତ ହେଉଛି । ଫଳରେ ଏଭଳି ବାରମ୍ବାର ଦୁର୍ଘଟଣା ହେଉଥିବା ଲୋକମାନେ ଅଭିଯୋଗ ଆଣିଛନ୍ତି । ସୂଚନା ଯୋଗ୍ୟ ଯେ ମହିଳା ଶ୍ରମିକ କାମ ସାରି ଘରକୁ ଫେରୁଥିବା ସମୟରେ ପଛପଟୁ ଅଜଣା ଟ୍ୟାଙ୍କର ଧକ୍କା ଦେଇଥିଲା । ଫଳରେ ଏହି ଦୁର୍ଘଟଣା ଘଟିଥିଲା ।
Popular Categories
Previous article
Next article